NILINAW ng producer at negosyanteng si Neil Arce na hanggang ngayon ay hindi pa rin nababawi ng kanyang asawang si Angel Locsin ang kanyang official X (dating Twitter) account.
Sa kanyang pamamagitan ng kanyang Instagram stories ay pinabulaanan nito ang latest tweet sa X account ng asawa na nabawi na nila ang kanyang account mula sa mga hackers.
“Got my acc back! Thank you for massive sharing! love,” tweet sa X account ni Angel.
Ngunit agad namang nilinaw ng asawa niyang si Neil na wala itong katotohanan at hindi pa rin nare-recover ang account ng aktres.
Baka Bet Mo: X Account ni Angel Locsin, na-hack
“Account not yet recovered. We will be the one to inform everyone if we got it back already,” saad ng asawa ni Angel sa kanyang IG story.
Maging ang kanyang official Facebook account ay nagbabala sa madlang pipol na hindi pa rin nakukuha ang kanyang X account.
“Please don’t engage. The account has not been recovered yet,” post sa Facebook page ni Angel.