Martin del Rosario at mga Kapuso stars sa GMA 2025 Countdown
KABILANG sa mga ultimate goals ng Kapuso actor na si Martin del Rosario ngayong 2025 ay ang makapag-travel nang bonggang-bongga.
Yes! Nag-set nga ng kanyang travel goals ang binata for this year. Matagal na raw talaga niyang nais makabiyahe sa iba’t ibang lugar ngayong taon.
“To more travels and coffee this 2025,” ang caption ni Martin sa kanyang Instagram post kalakip ang ilan niyang litrato habang nasa airport.
Baka Bet Mo: Mimiyuuuh dinala ang pamilya sa Palawan: Natupad ko po ang isa sa mga goals ko this year!
Looking forward din ang Kapuso star sa mga gagawin niyang projects ngayong 2025 kabilang na riyan ang pagbabalik niya sa entablado.
Bibida si Martin sa award-winning play na “Anino sa Likod ng Buwan” na mapapanood ngayong darating na March.
Kasama rin ai Martin sa star-studded cast ng upcoming action adventure series ng GMA 7 na “Lolong: Bayani ng Bayan”.
Ito ang second season ng number one adventure series sa Philippine primetime noong 2022 na itinanghal pang “most watched TV show”.
Muling bibida sa ikalawang season ng programa ang Primetime Action Hero na si Ruru Madrid, kasama sina John Arcilla, Jean Garcia, Shaira Diaz, Paul Salas, at marami pang iba.
Sa pagbabalik ng “Lolong” sa primetime ng GMA, gaganap si Martin bilang Ivan, na isang misteryosong indibidwal.
Ayon kay Martin, matindi rin ang ginawa niyang paghahanda para sa kanyang role, kabilang na ang pagte-training sa Filipino martial arts at pagpapakundiyson ng kanyang katawan.
Tutukan si Martin del Rosario sa dambuhalang pagbabalik ng number one adventure serye sa Philippine primetime at 2022’s most watched TV show sa pangalawang season nitong “Lolong: Bayani ng Bayan” na magsisimula na sa January 20 sa GMA Prime.
* * *
Very successful ang pasabog na pagsalubong ng GMA Network sa Bagong Taon via the Kapuso Countdown to 2025: Isa Sa Puso.
Tinatayang nasa 250,000 ang pisikal na nakisaya sa SM Mall of Asia para sa taunang countdown kasama ang mga Kapuso artists tulad na lang nila Ruru Madrid, Bianca Umali, Kyline Alcantara, Julie Anne San Jose, Rayver Cruz, Christian Bautista, at Ai Ai Delas Alas. Join din sa Kapuso countdown ang mga PPop stars na SB19, 1621 BC, at Kaia.
Pinasilip na rin ang mga bonggang upcoming shows na dapat abangan sa GMA ngayong taon, kasabay ng 75th anniversary celebration nito.
Patok din ang Kapuso Countdown to 2025 online at umabot pa nga sa 2 million total views ang online streaming ng event from different platforms at pages ng GMA.