NAKAKALOKA! Knows n’yo ba na nabili ng isang negosyante sa halagang P350 million ang isang saging isang auction kamakailan.
Kung titingnan ay parang wala namang kakaiba o espesyal na katangian ang naturang saging na nakadikit sa isang piraso ng dingding.
Pero para sa Chinese cryptocurrency entrepreneur na si Justin Sun, isa itong katangi-tanging art work na kailangan niyang mabili at maiuwi.
In fairness, talagang pinagkaguluhan ang nasabing saging sa isang auction house sa New York nitong nagdaang November 20, 2024.
Baka Bet Mo: Sunshine Cruz ibinandera ang P50 swimsuit, sey ng netizens: ‘You look so expensive’
Base sa report, may pitong bidder ang nagpakita ng intensiyong mabili ang natatanging saging na nakadikit nga sa dingding na tinawag na “Comedian.”
Ito’y isang masterpiece mula sa Italian artist na si Maurizio Cattelan na nabili nga ni Justin Sun sa halagang $6.2 million o humigit-kumulang na P350 million.
Base sa interview ng foreign press kay Sun, naniniwala siya na hindi lang basta saging ang naturang art work kundi isang “representation ng cultural phenomenon.”
“It represents a cultural phenomenon that bridges the worlds of art, memes, and the cryptocurrency community,” pahayag ni Sun.
Pero nabanggit ng negosyante na plano rin niyang kainin ang nabiling saging bilang parte ng kakaiba tinatawag niyang “artistic experience.”
“Additionally, in the coming days, I will personally eat the banana as part of this unique artistic experience, honoring its place in both art history and popular culture,” sabi pa ni Sun.
May kasamang certificate of authentication ang nabiling art piece ni Sun with matching instructions kung paano papalitan ang banana kapag ito’y nabulok o nalafang na.