Darryl Yap at Pepsi Paloma
Trigger warning: Mention of rape and suicide
HOT topic ngayon ng mga Marites sa social media ang announcement ni Darryl Yap na gagawan niya ng pelikula ang buhay ng namayapang sexy star na si Pepsi Paloma.
Ngayon pa lang ay mainit nang pinagdidiskusyunan ng mga netizens ang next project ni Direk Darryl na balak daw niyang tapusin sa 2025.
Sa kanyang Facebook post, sinabi ng blockbuster director na gagawa siya ng pelikula tungkol sa kontrobersyal na aktres na si Pepsi Paloma o Delia Dueñas Smith sa tunay na buhay.
Sumikat noong dekada 80 si Pepsi at talaga namang naging kontrobersiyal at pinag-usapan ng lahat ang kanyang pagkamatay.
Sabi ni Direk Darryl, “Ang aking kababayan na si Pepsi Paloma, Olongapeña, Artista, Biktima.
Baka Bet Mo: 10 entry sa MMFF 2023 ipalalabas din sa Hollywood, magkakaroon ng sariling awards night at red carpet
“Sa darating na 2025, bago sumapit ang ika-40 anibersayo ng kanyang kontrobersyal na pagpapatiwakal—Kilalanin natin ang Anino, ang Multo, ang Alingasgas ng kanyang Pagkatao.
“Ang Aking ika-17 Pelikula: THE RAPISTS OF PEPSI PALOMA,” ang buong sa post ng direktor sa FB kalakip ang black and white picture ng namayapang sexy star at ang kanyang lapida.
Ilang taon ding pinag-usapan ang pagkamatay ni Pepsi noon dahil sa umano’y pagkitil nito sa sariling buhay matapos daw gahasain 39 years na ngayon ang nakararaan.
Sumakabilang-buhay si Pepsi noong May 31, 1985 sa edad na 18. Natagpuan ang kanyang bangkay sa loob ng kanyang bahay sa Quezon City.
Balitang inatake ng depresyon ang aktres dahil sa umano’y panggagahasa sa kanya.
Narito ang ilang reaksyon ng netizens sa plano ni Direk Darryl.
“For the clout at para rin marami manood kasi curious kahit walang katotohanan yung alegasyon.”
“Darryl Yap Hala ka baka makasuhan ka nyan.”
“Naku Direk, may ma high blood sa pelikula mo.”
“Jan kami tumira sa pepsi sa sta.rita nakikita ko dumadaan noon sa apartment ni ate mga kuya nya. sigurado babalik sa kanila isipan ang nakaraan. good luck sa movie sana po makatotohanan.”
“Farkkk!!! This is going to raise a lot of tension and a lot of controversial not just in the movie industry but also in a polical views of some. I hope it’s going to be a good movie.”
“And what makes her life story become sadder is that yung mga taong gumago sa kanya, lahat sila namamayagpag at very successful ngayon. Parang series na ‘how to get away with a murder’ lang ang peg ng mga lolo nyo.”
Wala pang binabanggit si Direk Darryl kung sino ang gusto niyang gumanap na Pepsi Paloma. Kayo mga ka-BANDERA, may suggestion ba kayo?