USAP-USAPAN ngayon kung ano nga ba ang namamagitan sa sa modelong si Kirk Bondad at sa dating “Pinoy Big Brother” housemate na si Lou Yanong.
Ang chika kasi ngayon sa social media ay tila may relasyon na ang dalawa at isang matinding ard launch ang ginawa ni Kirk nang ibandera niya ang mga larawan nilang magkasama ng kapwa model.
Sa katunayan, posted ang pictures nina Lou at Kirk sa Instagram ng huli na kuha mula sa kanilang bakasyon sa Palawan.
“Going back for those chicken fingers,” saad ng kapatid ni Clint.
Baka Bet Mo: Lou Yanong umalma sa pambabatikos ng netizens sa larawan nila ni Markus Paterson: Get off my business
Mayroon ring video ang dalawa na sweet na sweet habang nagdya-jogging.
Makikitang hinahalikan pa ni Kirk sa pisngi si Lou na mas nagpapakumpirma sa netizens na may something sa dalawa.
Para sa mga hindi nakakaalam, si Kirk ay ang reigning Mister World Philippines at lalaban sa international competition ngayong November 23.
Habang si Lou naman ay isang modelo at dating housemate sa “Pinoy Big Brother Otso”.
Marami nga ang napahanga kay Lou sa pagkat puro na lang pogi at gwapo ang nabibingwit nito.
Bago pa man ang tila hard launch ni Kirk ay naging dyowa nito ang kapwa “Pinoy Big Brother” housemate na si Andre Brouillette.
Taong 2021 naman nang maghiwalay ang dalawa.