BILANG pagbibigay-importansya sa physical fitness at pagpapahalaga sa kultura ng mga larong Pinoy sa kabataan, inilunsad ng Knowledge Channel Foundation Inc. (KCFI) ang pinakabago nitong adbokasiya.
Katuwang ang Breeze Philippines, ibinandera ng KCFI ang collaborative project nilang EcoPlay nitong Oktubre 7 sa Marikina Elementary School.
Layunin ng EcoPlay na magsagawa ng mga Pinoy game activities sa mga mag-aaral mula Grade 4 hanggang 6 at palaganapin ang halaga ng sportsmanship values, fitness, at character building ng mga kabataan—alinsunod sa kanilang physical education (PE) curriculum.
Katuwang ng programa ang 68 na paaralan sa Marikina City, Quezon City, Taguig City, at Pateros.
Baka Bet Mo: Marlo Mortel ipu-push ang pagdedemanda laban sa babaeng netizen na nagpakalat ng fake news tungkol sa ‘threesome’
Ito ang panibagong collaborative effort ng Knowledge Channel Foundation at Breeze magmula noong unang inilunsad ang EcoProject na layong magturo ng aral patungkol sa pagpapahalaga sa kalikasan.
Ikinatuwa ito ng KCFI president at executive director na si Rina Lopez na siguradong malaking tulong para sa kanilang adhikain sa kabataang Pinoy.
Aniya, importante rin para sa mga estudyante na matutunan ang kahalagahan ng Pinoy sportsmanship values sa kanilang holistic development.
“Today, we are proud to launch EcoPlay in our 4th year of partnership with Breeze, a partnership that continues to grow stronger with every new initiative,” saad ni Rina Lopez, President at Executive Director ng Knowledge Channel Foundation.
“We at the Knowledge Channel Foundation have always believed that learning should be holistic…seamlessly integrated to the P.E. curriculum, playing traditional Filipino encourage physical fitness and fosters essential life skills like perseverance, teamwork, and respect that our students will carry with them beyond the classroom,” aniya pa.
“Marami kaming inihanda para sa EcoPlay kasama ang Knowledge Channel Foundation! Naniniwala kami na ang mga kabataan natin ay changemakers, at dapat holistic ang kanilang development,” saad naman ni Lara Santos, Premium Laundry Performance Mananger ng Breeze.
Kasabay nito, magbibigay rin ng video lessons at play kits ang Knowledge Channel sa mga partner school nito para sa karagdagang kaalaman patungkol sa Pinoy sportsmanship values at fitness, pati magabayan sila sa kanilang mga EcoPlay activity.
Magsasagawa rin sila ng mini-Olympics kung saan ang iba’t ibang mag-aaral sa mga participating school ay magpapakitang-gilas ng kanilang mga abilidad. Ang mga magwawaging paaralan ay mag-uuwi ng Knowledge Channel TV package.
Maliban pa rito, patuloy pa rin ang kanilang pagtuturo ng pangangalaga sa kalikasan sa mga Kabataan sa isasagawa nitong Eco Gardens project para sa mga Grade 3 student.