Jane Oineza at RK Bagatsing
HINDI pipilitin ng Kapamilya actor na si RK Bagatsing ang girlfriend na si Jane Oineza na magpakasal kung hindi pa ito handang bumuo ng sariling pamilya.
Naiintindihan ng binata kung ayaw pang lumagay sa tahimik ng dyowang aktres sa puntong ito ng kanyang buhay at “willing to wait” naman daw siya kung kailan magiging ready ang dalaga.
“Personally, alam ko lahat ‘yung pinagtrabahuan niya, the things that she went through sa career niya just to arrive at this point na sunod-sunod ‘yung projects niya, sobrang dami.
“So who am I to just say, ‘Teka hold muna natin yan, punta muna tayo dito,'” ang pahayag ni RK sa panayam ni Bianca Gonzalez sa TFC show na “BRGY”.
Dagdag ni RK, “And it does not change anything from us. We love each other, we enjoy each other’s company, we get to do everything na gusto naming gawin, so parang naka-park muna ‘yung idea na ‘yun and thought na ‘yun because really, minsan lang ‘yung career sa amin and we are focusing on that first, especially her.”
Feeling naman ni Jane, darating din ang tamang panahon para sa pagpapakasal but in the meantime, magpo-focus muna sila ni RK sa kanilang respective career.
“I’m really happy sa tinatahak ng career niya ngayon, sa mga projects na nakukuha niya and parang we will get there rin naman, and ngayon we just really want to focus on our career together, and also individually. And we’ll get there, parang no pressure,” sey ng aktres.
Napakarami rin daw nilang natutunan bilang couple sa latest movie nilang “Love Child” kung saan gumanap sila bilang young couple.
“Mas meron kang mas deeper understanding of starting a family so somehow we used that to our knowledge na okay what do we need to do? We learned so much from the material and from other people’s experience,” sey ni RK.
Sabi naman ni Jane, “Kaya before starting a family, we just want to check muna our personal goals and ‘yung mga bucket lists. Kasi parang for me to be comfortable getting married, starting a family, I need to be ma-close off ko muna ‘yung mga what ifs ko, ‘yung mga goals ko.”
Samantala, wala naman daw issue o problema para sa magdyowa ang kanilang age gap. Walong taon ang tanda ni RK kay Jane.
“It’s kind of off to say, ‘I’m older than you, I know better,’ parang no. So dun din pumapasok ‘yung communication na it’s getting to know na okay nasaan ka ba sa point ng buhay mo right now?
“Where are you at? And doon tayo mag-start, no matter what age ako o what age ka,” katwiran ni RK.
“If you’re going in the same direction or same goals in life, I think you can disregard that number and just be together,” dagdag ng binata.
Para naman kay Jane, “Hindi lang nasa age ‘yung experiences in life or I guess ‘yung knowledge natin or ‘yung sensibility as a perso. Parang hindi lang ‘yun lahat naba-base lahat sa age.”
Nabanggit din ng celebrity couple na kapag wala sila sa work ay napakasimple ng kanilang buhay together.
“Kasi sobra rin kaming home buddies, like private talaga kami individually so I think kaya nahahawa ‘yung as a couple din namin na private din,” sabi ni Jane.
Chika naman ni RK, “To be honest, outside the work that we do, sobrang simple lang namin. Parang we don’t get to share so many interesting things,” he said.