Alexa Gutierrez at Elvis Gutierrez kasama ang kanilang mga anak
PUMANAW na ang asawa ni Elvis Gutierrez na si Alexa Gutierrez o Alexandra Joelle Uichico Gutierrez matapos makipaglaban sa sakit na leukemia.
Mismong ang nakatatandang kapatid ni Elvis na si Ruffa Gutierrez ang nagbahagi ng malungkot na balita sa publiko ngayong araw ng Linggo, July 28.
Sa kanyang Instagram account, nag-post si Ruffa ng ilang litrato nila ni Alexa, kabilang na ang art card kung saan inilarawan ang yumaong misis ni Elvis bilang “loving mother, wife, daughter and friend.”
Baka Bet Mo: Ruffa sa sister-in-law na may leukemia: You’re going to win this battle!
“She leaves behind her devoted husband Elvis, and her two young daughters, Aria and Ezra.
“Please keep her and her loving loved ones in your prayers as we navigate this difficult times.
“We love you, Alexa.
“July 1, 1986 – July 27, 2024,” ang nakalagay pa sa art card.
Ito naman ang nakalagay sa caption ng IG post ni Ruffa, “I am still trying to process and accept that you are no longer with us. (Broken heart emoji) It’s so hard… (crying emoji).
“Words cannot express how heartbroken and shocked I am.
“I love you so much my beautiful, irreplaceable Alexa.
“You will forever be in my thoughts and in my heart. Until we cross paths again. I’ll write more when able,” ang mensahe pa ng aktres.
Baka Bet Mo: Ka Tunying naniniwalang magaling na ang anak na may leukemia: Siya ang pinakadakilang Manggagamot!
Sa IG page naman ni Elvis, tanging ang sweet photo lamang nila ng pumanaw na asawa ang naka-post ilang oras na ngayon ang nakararaan.
Bumuhos ang mga mensahe ng pakikiramay at pakikisimpatya sa naulilang pamilya ni Alexa. Narito ang ilan sa mga nabasa namin.
“So sorry to hear this. Our deepest condolences to your whole family. Praying for all of you,” pakikiramay ni Marjorie Barretto.
“Our condolences to your family,” post ni Karla Estrada.
“Our deepest condolences to your whole family, tita. We love you and we are praying for you all,” mula kay Dani Barretto.
“My deepest sympathies and condolences to you and your loved ones @ilovemsruffa especially to her beautiful young family. This is unimaginable, I hope you all stay strong,” ang message ni Jackie Forster.
Kamakailan lamang ay humiling pa ng dasal si Ruffa para sa kanyang sister-in-law na nakikipaglaban sa leukemia. Ilang buwan din itong sumailalim sa medical treatment.
“She’s battling leukemia, just continue to pray for her. She’s actually struggling right now, I don’t want to talk about it because I might cry,” ang emosyonal na pahayag ni Ruffa sa panayam ng media sa isang event.
Ibinahagi rin ng aktres ang pinagdaraanang hirap at sakripisyo ng nakababata niyang kapatid, “Elvis is also having a hard time because they’ve been in and out of the hospital since January so pagdasal po natin sila.”
“We really need your prayers kasi the treatment that she needs, wala dito sa Pilipinas, so I don’t know if she’s able to fly out or not so yun ang tinitingnan namin,” ang pahayag pa ni Ruffa.