Krishnah Marie Gravidez wagi bilang Miss World Philippines 2024
KINORONAHANG Miss World Philippines 2024 si Krishnah Marie Gravidez ng Baguio City sa katatapos lang na grand coronation night ng pageant sa Mall of Asia Arena sa Pasay City, nitong Biyernes, July 19.
Talaga namang ginalingan ng bagong Miss World Philippines crown winner dahil tinalo nito ang 32 kandidata na nagmula sa iba’t ibang lugar sa Pilipinas.
Si Krishnah ang papalit sa trono ni Gwendolyne Fourniol at siyang magiging official representative ng Pilipinas sa susunod na edisyon ng Miss World pageant.
Todo-todo ang ginawang pagpapakitang-gilas, pagrampa, at pagsagot sa question and answer portion ng pageant ng dalaga para masungkit ang inaasam na korona.
Baka Bet Mo: Miss World Philippines 2024 ibinandera na ang Top 10 finalists
View this post on Instagram
Si Krishnah rin ang tinanghal na big winner sa ginanap na Charity Gala sa Miss World Philippines 2024 at siya rin ang nagwagi ng apat na special titles jiata naman naka-advance ito at shortlisted sa tatlong fast-track contests.
Wagi rin ito bilang Top Model at Miss Multimedia.
Nasungkit rin ni Krishnah ang iba pang mga awards gaya ng Miss Bench, Miss Photogenic, Best in Swimsuit, Miss Oro China, at Best in Evening Gown.
Itinanghal naman bilang Miss World Philippines 2024 2nd Princess si Sophia Bianca Santos mula sa Pampanga.
Wagi rin bilang Miss World Philippines 2024 1st Princess si Jasmine Omay mula sa Tarlac Province.
Excited na ang lahat ng fans ni Krishnah sa kanyang magiging journey bilang representative ng Pilipinas sa susunod na edisyon ng Miss World.
Siya na nga kaya ang susunod na mag-uuwi ng korona para sa Pilipinas?
Matatandaang si Megan Young pa lang ang kaisa-isang Pilipinas na nakapag-uwi ng Miss World crown noong 2013.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.