Cindy Miranda, Xian Lim, Althea Ruedas at Emmanuel Esquivel
UMAPELA ang aktres at dating beauty queen na si Cindy Miranda sa publiko na bigyan naman ng chance si Xian Lim bilang isang direktor.
Si Cindy ang bida sa latest horror flick na idinirek ni Xian, ang “Kuman Thong” mula sa Viva Films, kasama ang napakagaling na child actress na si Althea Ruedas at ang Thai actor na si Max Nattapol.
Aware si Cindy sa mga kanegahang ibinabato ng mga bashers sa binata, kaya naman nakikiusap siya na sana’y huwag naman siyang personalin dahil lamang sa mga kumakalat na tsismis about his personal life.
May kaugnayan pa rin ito sa breakup nina Xian at Kim Chiu at sa bagong dyowa ng aktor na si Iris Lee, na incidentally ay co-writer ng binata sa “Kuman Thong.”
Sabi ni Cindy, “I don’t really know about the issues because I’m not fond of social media but I’ve heard some things.
“I have friends telling me about it but for me, it’s my first time to work with direk Xian and napaka-cool po ng vibe, napakabagets,” aniya pa.
“He told us bagets tayo lahat dito. So don’t be shy with whatever it is that you like (or want to do). I think he wasn’t not affected (by issues) kasi napakagaan,” dagdag ng aktres.
Hindi rin daw niya naranasan kahit na isang beses na magalit, sumigaw o magmura si Xian habang ginagawa nila ang “Kuman Thong.”
“I’m not defending Xian. I don’t know whatever issues are against him, I just wanna be honest, I don’t want people to say that I’m defending him, todo tanggol, no, no, no.
Baka Bet Mo: Bakit nag-message si Rabiya Mateo kay Cindy Miranda, anyare?
“Even my co-actors would say that they never saw him getting angry or shouting at us. He really respected us. He calls me Miss Cindy when he could just call me Cindy. He would also offer me a chair if he saw me standing or hindi pa nag-start ang shoot,” pahayag pa ng dalaga.
Kaya naman ang panawagan niya sa publiko, “I hope that the people will separate the issues from him being a director because we made the movie wala sa isip namin itong lahat ng issues na ‘to.
“Those issues are not part of this movie and sana po huwag po nilang idamay.
“For me, Xian is a good director. He’s all about work, work. So ihawalay po nila. I hope they will give this movie a chance and Xian as a director aside from whatever na mga issues,” mariin pang sabi ni Cindy.
“As I’ve said napakagaan ng set even though it’s horror, very dramatic. It’s like we’re not doing a horror film because we didn’t feel that anything mabigat from our director, ibang-iba. Bagets na bagets.
“You’ve seen his photos, his OOTD at naka-getup pa talaga siya kahit sobrang init. Ganu’n siya ka-inspired.
“And I think nakabuti po sa kanya na hindi ko alam kung in love ba siya or what in doing this film.
“He told to us earlier, before we shot the film, dugo’t pawis daw yung binigay nila dito in writing the story. Kaya talagang naniniwala din po ako sa istorya ng ‘Kuman Thong,’” pagmamalaki pa ni Cindy kay Direk Xian.