PHOTO: Facebook/Edu Manzano
HINDI na nakapagpigil at pinalagan ng TV host-actor na si Edu Manzano ang enforcer na pumara sa kanyang sasakyan sa Roxas Boulevard sa Maynila.
Inamin ni Edu na may violation ang kanyang driver, pero ang ikinadismaya niya ay ‘yung pangongotong nito.
Biruin niyo, ang hinihinging pera ng motorcycle cop ay P4,000!
Sa pamamagitan ng X (dating Twitter) ikinuwento ng batikang aktor ang nangyari.
Baka Bet Mo: Edu ibinuking ang mga ‘sikreto’ ni Maricel tungkol sa mga balikbayan box: ‘Nakakaloka ka pa ring kausap!’
“My driver was just stopped by a motorcycle cop on Roxas Blvd. I was sitting in the back while he approached my driver and told him on his violation, Illegal U-turn,” panimula niya.
Patuloy ni Edu, “Yes my driver made a mistake but what upset me more was when he demanded P4K from my driver or else…”
My driver was just stopped by a motorcycle cop on Roxas Blvd. I was sitting in the back while he approached my driver and told him on his violation, Illegal U-turn. Yes my driver made a mistake but what upset me more was when he demanded P4K from my driver or else ….
— Edu Manzano (@realedumanzano) June 8, 2024
Hindi alam ng enforcer na ang aktor ang nakasakay sa likod ng sasakyan, pero kinompronta niya ito nang marinig na tila lumalaki na ang hinihingi nito sa kanyang driver.
“I lost it. I had to confront the cop,” wika niya sa hiwalay na tweet.
Aniya pa, “He started [with] a seminar, then P2K, then P4K. All the while I was in the back listening while he threatened my driver. I did not mince words.”
I lost it. I had to confront the cop. He started w/ a seminar, then P2K, then P4K. All the while I was in the back listening while he threatened my driver. I did not mince words.
— Edu Manzano (@realedumanzano) June 8, 2024
May netizen naman ang umusisa kung ano raw ang naging reaksyon ng pulis nang nakita si Edu.
Ang chika ng aktor, “His words… Boss Edu! Gusto pa mag-fist bump. Kambyo bigla. Lalo ako pumitik! I should’ve let it go. I didn’t.”
Sumang-ayon sa kanyang ginawa ang isa pang X user at sinabing: “I wish you had a dashcam or a phone camera rolling. Hope you got the name and report this to the authorities.”
Sagot sa kanya ni Edu, “I have him on audio and yes I got his name. Thinking of what to do next.”
Samsampahan kaya ni Edu ang nangotong na pulis? Bukas ang BANDERA sa kanyang pahayag patungkol sa nangyari.