PHOTO: Facebook/Krishnah Gravidez
TILA nabulabog ang pageant community matapos sukuan ni Krishnah Gravidez ang pagiging kinatawan para sa Miss Charm international competition.
“After much consideration and reflection, I regret to inform you that I have decided to withdraw from the Miss Charm International competition,” anunsyo ng beauty queen sa Facebook noong June 2.
Matatandaang nakuha niya ang Miss Charm Philippines title noong May last year matapos mapabilang sa Top 3 ng 2023 Miss Universe Philippines.
Dagdag pa sa recent post ni Krishnah, “I want to express my deepest gratitude for the incredible opportunities that Miss Universe Philippines and Miss Charm Philippines have afforded me.”
“It has been an honor to be part of such prestigious competitions, and I am truly grateful for the experiences and friendships I have gained along the way,” sey pa niya.
Baka Bet Mo: MUPH candidates nag-‘walk out’ daw matapos koronahan si Chelsea, true kaya?
Pinasalamatan niya rin ang presidente ng Miss Universe Philippines at head ng Empire Philippines na si Jonas Gaffud, bilang siya rin ang may hawak ng prangkisa ng Miss Charm.
“I want to thank Mama J especially, who has been one of the best mentors and gave his valuable support for the decisions I needed to make [red heart emoji],” wika niya.
Siyempre, hindi rin niya nalimutan ang kanyang mga tagahanga at fans na sinuportahan siya hanggang sa huli.
“To the pageant fans, Team Strawberries (her supporters), my Vietnamese supporters, and my core team, who watched my journey and waited, I thank you for holding on,” aniya.
Magugunita noong nakaraang buwan, tinalikuran ni Krishnah ang titulong Miss Charm Philippines nang mapili ang iba pang titleholders mula sa mga kandidata ng Miss Universe Philippines.
Matatandaan din na nagkaroon ng surprise announcement ang national pageant –siyam na araw bago ang coronation night ng MUPH kung saan apat na karagdagang korona ang nakataya –ito ang mga titulong Miss Supranational Philippines, Miss Charm Philippines, Miss Eco International Philippines at Miss Cosmo Philippines.
As of this writing, wala pang official statement ang The Miss Universe Philippines Organization, Empire Philippines, The Miss Philippines, at Miss Charm sa pag-withdraw ni Krishnah sa international pageant.