Will Smith, Martin Lawrence muling bibida sa bagong ‘Bad Boys’ movie

SASABAK muli sa intense action ang Hollywood tandem na sina Will Smith at Martin Lawrence.

Muli kasi nilang pagbibidahan ang iconic cop duo bilang sina “Mike” at “Marcus” sa kaabang-abang na latest installment ng “Bad Boys” movie!

Pinamagatan itong “Bad Boys: Ride or Die” na nakatakdang ipalabas sa mga lokal na sinehan sa darating na June 5.

“The world’s favorite Bad Boys are back with their iconic mix of edge-of-your seat action and outrageous comedy but this time with a twist: Miami’s finest are now on the run,” sey sa inilabas na synopsis ng Columbia Pictures.

Baka Bet Mo: Hollywood star Will Smith muling nag-sorry kay Chris Rock, humingi rin ng tawad sa asawa’t mga anak: I’m human and I made a mistake…

Maliban kina Will at Martin, makakasama nila sa pelikula ang ilan pang Hollywood stars kabilang na sina Vanessa Hudgens, Alexander Ludwig , Paola Nuñez, Eric Dane, Ioan Gruffudd, Jacob Scipio, Melanie Liburd, Tasha Smith, Tiffany Haddish, at Joe Pantoliano.

Kung matatandaan, unang ipinalabas ang “Bad Boys” noong 1995 kung saan agad itong naging hit sa blockbusters.

Taong 2003 naman nang ini-release ang “Bad Boys II,” habang ang huli ay ang “Bad Boys For Life” noong 2020.