Orange & Lemons, Kathryn Bernardo at Daniel Padilla
NAGKAAYOS na ang Orange and Lemons band at ang aktres na si Francine Diaz at balitang magkakaroon pa sila ng collaboration.
Okay na okay ‘yun, at least pareho silang nakinabang sa libreng publicity both positive and negative.
Kaya namin nabanggit ang Orange and Lemons ay dahil naaliw kami sa kuwento ng bokalistang si Clem Castro bago nila awitin ang “Just Like A Splendid Love” sa nakaraang show nila sa San Jose, Occidental Mindoro.
Aniya, paboritong kanta pala ito ng ex-couple na sina Daniel Padilla at Kathryn Bernardo.
Baka Bet Mo: Sarah sa KathNiel: Mabait sila sa akin, wala silang yabang!
Tsika ni Clem, “Naging themesong ito nina Daniel Padilla at saka ni Kathryn Bernardo noong okay pa slla.
“Na-invite kami sa birthday ni Daniel ni Kathryn tapos sa harap namin sumasayaw sila the whole set, ang hirap kasi magkayakap sila naghahalikan (kaya) nakaka-inggit.
“So, ito ‘yung jinam sa amin ni Kathryn ang title nito ay Just Like A Splendid Love hope you like it,” ang pasakalye ng singer.
Walang malisya ang tono ng bokalista ng banda sa sinabi niya kundi natuwa lang siya dahil paborito ang kanta nila ng KathNiel.
Hinanap namin sa YT kung may nakapag-upload ng video na sumasayaw sina DJ at Kath sa tugtog ng “Just Like A Splendid Love” pati na ang ilan pang video clips ng travels ng KathNiel sa iba’t ibang bansa at ang naturang kanta nga ang background music.
Habang pinapanood namin ang lumang video ng ex-sweethearts ay natuwa kami dahil ang sweet nila at bagay talaga sila but at the same time ay nalungkot kami dahil wala na nga sila. Sabi nga ni Daniel sa kanta niya, “May kapiling ka ng iba.”
Anyway, sa pagkakaalam din namin ay kanta ng Orange and Lemons ang kasama sa repertoire ni Daniel sa concert niya sa Araneta Coliseum, ang “Heaven Knows” na inialay pa niya sa ina ni Kathryn na si Gng. Min Bernardo.
Say ni Daniel, “Tita Min, this is for you! This is your favorite!”
Nakipag-jamming din ang aktor sa Orange and Lemons ng awiting “Hanggang Kailan” sa “ASAP” noon at kinanta niya rin ito sa ABS-CBN Christmas party noong 2019.
Going back to Orange and Lemons band ay curious kami kung anong awitin ang iko-collab nila with Francine.