WALANG binanggit si Ogie Diaz sa post niya sa kanyang IG story kung nagulat siya na idinemanda siya ni Bea Alonzo ng cyber libel kasama ang co-hosts niyang sina Mama Loi, Ate Mrena, Tita Jegs at Dyosa Pockoh sa vlog nilang “Showbiz Update” na napapanood sa YouTube.
Kasama rin sa inireklamo ang beteranang manunulat at content creator na ngayon na si Nanay Cristy Fermin kasama ang co-hosts niyang sina Romel Chika at Wendell Alvarez para naman sa online show nilang “Showbiz Now Na” na naka-upload sa YouTube.
Marami kasing nagulat ng biglang magsampa ng reklamo ang aktres kaninang hapon sa Quezon City Prosecutors Office kasama ang legal counsel niyang si Atty Joey Garcia at manager na si Shirley Kuan.
Kaya naman lahat ng kasamahan sa trabaho nina Ogie at ‘nay Cristy ay tinatawagan sila at hinihingan ng panig pero tikom ang kanilang bibig.
Inuna naming padalhan ng mensahe si ‘nay Cristy pero hindi kami sinagot at inisip naming nab aka mas gusto niya itong sagutin sa programa nil ani Romel Chika na Cristy Ferminute sa Radyo 5 92.3 TRUE FM bukas (Biyernes) ng tanghali para isahan na lang na lang.
Baka Bet Mo: Bea Alonzo nagsampa ng kaso laban kina Cristy Fermin at Ogie Diaz
Pero si Ogie ay nag-post sa kanyang IG kaninang 5PM at humingi siya ng paumanhin sa mga kaibigang reporters na hinihingan siya ng panig.
Aniya, “Pasensiya na sa lahat ng reporters na tumatawag para maging balanse lang ang kanilang report. Naiintindihan ko kayo kung nginangarag kayo ng news desk o ng editors n’yo.
“Makakarating din naman sa amin ‘yan para sagutin sa takdang panahon.
“Pero eto ha? Ayoko nang magpaka-plastik, tulad ng lagi naming hinihirit sa Ogie Diaz Showbiz Update, sila pa rin ang gusto naming magkatuluyan sa ending. (emojis smiling face with a heart).”
Sa madaling salita ay saka lang sasagot sina Ogie kapag natanggap na nila ang subpoena.