PHOTO: Courtesy of Sony Music Entertainment
GOOD vibes at kilig ang hatid ni Justin De Dios, ang isa sa miyembro ng Pinoy Pop sensation na SB19!
Nag-release kasi siya ng sariling rendition ng hit song na “Sunday Morning” ng American pop rock band na Maroon 5.
Lalo itong pinaganda ng P-Pop idol dahil hinaluan niya ito ng music genre na jazz.
“‘Sunday morning’ is one of my personal favorites and it’s one of my go-to karaoke staples since childhood,” chika ng multi-talented pop act sa press statement na inilabas ng Sony Music Entertainment.
Baka Bet Mo: 6ense wish maka-collab ang SB19; ‘Hate culture’ ibinandera sa debut single
Kwento pa niya, “I was supposed to perform the song in the Asian leg of the ‘PAGTATAG! World Tour,’ but the shows got canceled as we were resolving some internal issues. We took the chance to drop it as one of my solo releases and the rest as they say, is history.”
Aniya pa, “The response from the fans was overwhelming that we decided to release it officially on DSPs (digital service providers). We really owe it up to our supporters for the positive reception.”
Nitong Enero lamang nang shinare ni Justin ang performance video ng song cover sa YouTube.
Bukod sa malamig na boses, fresh na fresh din ang singer habang kinakanta ang hit song sa isang magandang scenic view.
As of this writing, umaani ang video ng halos 800,000 views sa YouTube.
Ang “Sunday Morning” ay ang second song ni Justin bilang isang solo recording artist matapos ang first single niyang “surreal” na nakakuha na ng mahigit three million streams sa Spotify.
Ang bagong cover ay mapapakinggan na sa lahat ng streaming platforms worldwide via Sony Music Entertainment.