NAPAG-USAPAN na pala noon ng aktres na si Rica Peralejo at ng Ultimate Leading Man na si Piolo Pascual ang pagpapakasal.
Rebelasyon ni Rica, totoong nagkaroon sila ng relasyon ni Piolo ilang taon na ngayon ang nakararaan pero aniya, wala itong label.
“I think you spoke about PJ (Piolo) there. You were talking about settling down but there was no relationship. Ang reaction ko, ‘Ano yun?’” ang dire-diretsong sabi ni Boy Abunda kay Rica nang mag-guest ito kahapon sa “Fast Talk”.
“‘Yun din po ‘yung reaction ko,” ang sey ni Rica na habang laugh nang laugh.
“Wala na ‘yan. Walang issue na yan, that’s why I can talk about it this way because I have that kind of relationship with him na alam mo tumanda na tayo, we don’t really have to like fret about that anymore or fight about that,” dugtong pa ng hindi na gaanong aktibong aktres.
Baka Bet Mo: Bukol ni Piolo dinakma ni Apo Whang Od, netizens umalma: Harassment yarn!
“So, ano nga ‘yun?” ang sundot na tanong ni Tito Boy.
“Hindi ko nga alam,” tugon ni Rica.
Paglalarawan ni Rica ang naging relasyon niya noon kay Piolo, “We existed and functioned like a couple talaga.
“And there were talks of like, parang hindi naman diretso pero na magse-settle down together. Pero like any other couple, ganu’n lang siya. Na maiisip mo na puwedeng mangyari ito,” esplika niya.
Inulit ni Rica ang pag-uusap nila ni Papa P about settling down, “Pero he never naman promised. I never naman really said na I wanted this.
“It was just something that we entertained. It never got to that point and we never labeled our relationship. But it was very, very good naman what we had together,” paglilinaw ng aktres.
Dagdag pa niyang chika tungkol sa kanilang relationship, “Wala kami talagang, parang we didn’t put a label to it.”
“I think it was very obvious that we liked each other. We loved each other but we were like more friends really na ‘yung we just like to be together a lot,” sabi pa niya.
Kaya raw kapag may mga lalaking nagpaparamdam sa kanya, hindi na niya ito binibigyan ng malalim na kahulugan, meaning ayaw na niyang maging asyumera.
“Parang may hints here and there ng ganito. Ako naman ang aking habit naman kahit noon nu’ng single ako lalo, was hindi ako assuming na kahit na nagpapahaging hindi ko sasakyan until talagang in-offer na sa ‘yo concretely.
“So I didn’t really ride on that whenever I would hear something and whenever I would feel something.
“Para sa akin, maybe there is a possibility, but let’s see. Until it’s really there, it’s, you know, I don’t consider it serious,” pahayag pa ni Rica.