Boy Abunda, Pia Cayetano at Alan Peter Cayetano
SA halip na tawaging biktima, itinuring na bayani ng “CIA with BA” ang isang babaeng nagreklamo sa episode nitong Linggo, April 7.
Sa segment na “Payong Kapatid,” dumulog si Florence upang humingi ng payo tungkol sa diskriminasyon na kanyang nararanasan sa tuwing sumasakay ng mga pampublikong sasakyan.
“Minsan, hindi po ako hinihintuan or sinisingil po ako ng pangdalawang tao. Minsan po kahit magbayad ng pangdalawang tao, marami pa rin pong sinasabi,” malungkot na pagbabahagi ng dalaga.
“Meron po ba akong karapatan na ‘di magbayad nang mahigit sa isa at magreklamo?” tanong ni Florence.
Baka Bet Mo: Boy, Alan, Pia tuluy-tuloy pa rin ang pagtulong at pagbibigay ng legal advice sa ‘CIA with BA’ season 3
“Usually ang humihingi ng advice ay victim but I want you to know, you’re a hero because ang dami-daming nakaka-experience ng discrimination, not necessarily because of one reason.
“But just because they’re different without knowing that we’re all different. Kaya nga tayo unique e,” sabi sa kanya ni Sen. Alan Peter Cayetano bago himayin ang isyu.
“I just want you to know that you’re a hero because it’s difficult when you’re different or you think you’re different, or other people tutuksuhin ka for being different and may mga typecast of what a wonderful person is,” dagdag niya.
“One thing that we will do immediately is to inform the transportation secretary na, ‘You know there’s this problem,’” siniguro ng senador at host.
“They have to find a way to communicate sa lahat ng public transport na kung may discrimination na nangyayari and how to deal with it,” aniya pa.
Paliwanag ni Sen. Alan na dito sa Pilipinas, walang general law pagdating sa anti-discrimination.
“Unlike, for example, violance against women and their children — may general law about that…in this case kasi, per situation.
“And then while generally public transportation is a franchise or certificate of public convenience, meaning ‘yan ay privilege, hindi ‘yan karapatan, so ‘pag binigay ‘yan, may mga kasama usually ‘yan na general guidelines of how you take care of your passenger,” aniya.
Baka Bet Mo: Ina ng batang na-bully at may bipolar disorder pinayuhan ng CIA with BA
Diin ng senador, “There shouldn’t [have] a discrimination” at ang sino man “shouldn’t have to pay extra.”
“Our lawyers were saying na sometimes ‘pag may kasama siya or elderly or malaki, sila na nag-o-offer, let’s say sa FX, para hindi na tingnan ng driver. But they cannot demand and they cannot even tease you about it,” dagdag niya.
Para naman kay Sen. Pia Cayetano, ipinaulit niya na, “We just have to bring it to the attention of the agencies na if it’s not a safety issue, then they should make it clear na kailangan naman talaga.”
“But the most important thing is you should never feel discriminated,” sabi niya kay Florence.
Huwag palampasin ang “CIA with BA” kasama sina Alan, Pia, at award-winning TV host na si Boy Abunda tuwing Linggo, 11 p.m. sa GMA7, at may replay sa GTV tuwing Sabado, 10:30 ng gabi.