Janella Salvador
NAGSALITA na ang Kapamilya actress at singer na si Janella Salvador tungkol sa pagkakakansela ng kanyang 10th anniversary concert na pinamagatang “Reimagined”.
Ngayong araw, April 10, isang anunsyo ang ibinahagi ng Star Magic kung saan humihingi sila ng paumanhin dahil pansamantala munang hindi matutuloy ang concert ng celebrity mom.
“Due to unforeseen circumstances, we would like to announce that Janella Salvador’s concert originally scheduled for April 19, 2024 at the New Frontier Theater will be postponed.
Ticket holders are encouraged to keep their tickets for the rescheduled date or seek refunds through Ticketnet. We apologize for any inconvenience and appreciate your understanding,” saad ng Star Magic.
Baka Bet Mo: Karylle kumampi kay Janella matapos akusahang binastos, ipinahiya si Kim
Binahagi naman ni Janella ang naturang anunsyo sa kanyang X (dating Twitter) account.
“pa0s ksi sya,,, kau nlang !!! [laughing emoji] ayan inunahan ko na kayo mwah,” sey ng aktres.
Tila idinaan na lang muna nito sa biro ang malungkot na balita at ginamit ang kanyang nag-viral na “paos kasi siya” remark nang hinggan ng sample noong mag-guest siya sa “It’s Showtime” para i-promote ang pelikulang “Under Parallel Skies” ni Thai actor Win Metawin.
Sa hiwalay na tweet ay humingi naman ito ng tawad sa mga taong nag-aantay sa kanyang concert.
“[O]n a serious note, I apologize and am so thankful to all those who have been looking forward to my concert.
“I’m genuinely excited for this and would love to be even more prepared for the day it finally pushes through,” sabi ni Janella.
Magkakaroon pa raw ng announcement soon para sa iba pang detalye ng kanyang concert.
“[L]ooking forward to still seeing everyone,” sey pa ni Janella.
Marami pa rin naman sa kanyang mga supporters ang nangakong maghihintay kung kailan matutuoloy ang kanyang concert.
“We are always ready for you, no matter where and when! We will wait and be ready when the concert day comes [heart emoji] we love you!” saad ng fans club nila ni Jane de Leon.
Comment naman ng isa, “I waited for 10 years Jea [Janella]. yung few months kayang kayang hintayin, would love to see you on your best self, not right now na jampacked schedule. Love you always!”
“Willing to wait kami sa tamang panahon. Don’t pressure yourself okay? Nandito lang kami ah. Take good care of your health also. We love you,” sey naman ng isa.