PARAMI nang parami na talaga ang nahuhumaling sa tambalan ng Kapamilya stars na sina Maris Racal at Anthony Jennings sa drama series na “Can’t Buy Me Love”.
Sa katunayan, maging ang mahusay na TV host-vlogger na si Luis Manzano ay kinikilig sa chemistry ng dalawa na inamin niya habang ini-interview niya ang dalawa para sa kanyang vlog na “Luis Listens”.
Dito ay natanong ng TV host kung ano ang naging impression nila sa isa’t isa dahil ito ang unang pagkakataon na magkakatrabaho sila at unexpected ang naging pagtanggap sa kanila ng mga tao.
“So si Maris, alam ko naman na mabait siya kasi nakikita ko siya kung paano siya makisama sa mga tao,” saad ni Anthony.
Baka Bet Mo: Maris Racal, Anthony Jennings magpapakilig uli, may bagong project together
Inalala pa nga noon ng aktor ang naging interview niya sa dalaga online during pandemic na hindi na raw maalala nang huli.
Kuwento naman ni Maris, “Pero ang tumatak sa akin ‘yung sa dressing room ng Christmas Special 2022. Tapos hindi siya tumitingin ss akin. Si Louise [Abuel] lang ang nagha-hi sa akin.
“Tapos same kami ng dressing room nung Christmas special tapos sabi ko, ‘A, ok. Hindi na rin kita papansinin.'”
Pero ngayon ay mas naa-appreciate na nila ang isa’t isa lalo na’t click rin ang ugali at kakulitan nila.
Nang tanungin naman ni Luis sina Maris at Anthony kung ano ang gusto nilang maging ending ng tambalan nila sa “Can’t Buy Me Love”, sinabi ng dalawa na gusto nilang magkaanak.
“Kung saka-sakali man papapiliin kayo kung ano magiging ending ng kuwento ni Snoop saka ni Irene, ano ‘yon?” tanong ni Luis.
“Magkaka-baby sila,” sagot ni Maris.
Sundot naman ni Anthony, “Oo, ayun ‘yung triplets.”
Chika pa ni Maris, “Sana magka-baby sila para naman may closure ‘yung ano natin, ‘yung paghahabulan sa isa’t isa about pregnancy.”
“Saka du’n nalungkot ‘yung tao talaga eh. Nu’ng nalaman nilang hindi siya buntis [Irene],” sey naman ni Anthony.