PHOTO: Facebook/Vina Rachelle
HINDI naniniwala ang Philippine Animal Welfare Society (PAWS) na “self-defense” ang ginawang pagpaslang ni Anthony Solares sa Golden Retriever na si Killua.
Hanggang ngayon, mainit pa ring pinag-uusapan sa social media ang post ng fur parent matapos matagpuan na duguan at walang buhay ang alaga sa loob ng sako.
Ayon sa animal offender, tinugis ni Killua ang kanyang anak kaya nagawa niya itong patayin.
Ngunit base naman sa CCTV footage na ibinandera ng nag-aalaga kay Killua na si Vina Rachelle Arzas, si Anthony ang humahabol sa aso habang paulit-ulit itong pinapalo.
“The animal offender claims that this was an act of self-defense but video evidence shows that Killua, the dog, was being chased by him and none of the elements of self-defense were present,” saad ng PAWS.
Baka Bet Mo: #JusticeForKillua: Celebs nanawagan para sa asong pinatay
Patuloy pa, “Further, there are humane ways of animal control. The City Veterinarian’s Office can be called in for this task.”
“Clearly, there was no reason for Killua to be killed in this manner as she was not harming anyone,” Ani pa ng organisasyon.
Binigyang-diin din ng grupo na nakakadismaya at nakakasama ng loob ang sinapit ng fur baby.
Dahil daw diyan ay magsasampa sila ng mga kasong paglabag sa Animal Welfare Act laban kay Anthony.
“We call on witnesses of other crimes against animals that have been posted on social media to step forward and cooperate with law enforcement agents and seek help, if needed, for the filing of the cases,” sey ng PAWS.
Dagdga pa, “Tagging on social media will not result in punishment unless a criminal complaint is filed in Court.”
Nauna nang binatikos ni Senador Grace Poe ang brutal na pagpatay sa Golden Retriever.
Ayon sa senador, nawasak ang kanyang puso at nakaramdam siya ng galit dahil sa nangyari.
“It is, of course, up to our courts to decide on the matter. However, the public should be aware that there are laws [that] prohibit and punish the cruel treatment of animals,” lahad ni Sen. Grace sa isang pahayag.
Ani niya, “If we are to create a kinder society where animals and humans can co-exist in harmony, we must raise awareness on the proper, responsible, and humane manner of treating animals.”
Maliban sa senadora, kinondena na rin ng ilang mambabatas ang insidente at sinabing balak nilang balikan at pag-aralan muli ang mga batas tungkol sa animal welfare.