Priscilla Meirelles, John Estrada at Anechka Estrada
PAKILIG at good vibes ang hatid ng anniversary message ng Kapamilya actor na si John Estrada para sa kanyang asawang si Priscilla Meirelles.
Nagdiwang ng kanilang ika-13 wedding anniversary ang celebrity couple nitong nagdaang Lunes, February 26, at binati nga nila ang isa’t isa sa pamamagitan ng kanilang Instagram account.
Sa ilang litratong ibinahagi nila sa social media, makikita ang ilang kaganapan sa kanilang selebrasyon — of course, nakasama rin nila sa okasyon ang anak nilang si Anechka Estrada.
“I never wanted to get married again till i met this person 16 years ago….. She totally changed my mind …. Happy 13th love,” ang caption ni John sa photo nilang mag-asawa sa IG.
Baka Bet Mo: Priscilla Meirelles, John Estrada sweet na sweet sa bakasyon, tinapos na ang problema sa pagsasama bilang mag-asawa
Nag-post din si Priscilla ng litrato nila ni John at ng kanilang anak na may caption na, “Thirteen… (red heart emoji).”
Bukod dito, nag-share rin ang Brazilian beauty queen ng family photo nila sa kanyang Instagram story na may text caption na, “Thirteen years together. Happy wedding anniversary to us.”
Kalakip din ng IG story ni Priscilla ang isang newspaper article about their wedding na may title na, “The groom cries harder than the bride.”
“Bakit kaya (laughing out loud emoji) @johnestrada_,” ang nakasaad sa caption na may hashtag na “throwback,” “wedding anniversary,” at “thirteen.”
Bumuhos naman ang pagbati mula sa kanilang mga followers at kaibigan in and out of showbiz, kabilang na sina Ara Mina at Vina Morales.
Komento ng isang netizen, “Happy, Happy 13th Anniversary Ms. (Priscilla Meirelles) and Sir (John Estrada)!!! Hope you guys have a great and romantic day. Here’s to many more to come. Take care always!!!”
“Love seeing you together. Blessing our feed.”
“Time flies fast. 13 years na!”
Matatandaang ikinasal si Priscilla (nanalong Miss Earth 2004) kay John noong 2011 sa Thunderbird Poro Point Resort sa San Fernando, La Union. Taong 2012 nang isilang ang anak nilang si Anechka.
Last year, dumaan sa mga challenges ang relasyon ng mag-asawa dahil sa umano’y third party. Mismong si Priscilla ang nag-open hinggil sa babaeng lumalandi sa kanyang asawa.
“What to call a female that entertains married man?” ang isa sa mga cryptic posy noon ng former beauty queen.
Sa isang panayam, natanong si Priscilla tungkol sa estado ng marriage nila ni John, “Actually, we never really had any major, let’s say… I cannot say that it wasn’t well.
“Every marriage goes through very rough patches. We were going through a rough time, actually for a while already.
“When you come to a point your life where you’re 12 years married and you know each other so well and you already can foresee the future and what to expect from the future, there is a tendency you start to somehow explain to a partner what to expect from your partner in that long-term partnership.
“Just like any marriage, we have our differences. We’ve been talking a lot about what we want 10 years from now. I think it’s just part of life,” paliwanag ng wifey ni John Estrada.