PHOTO: Instagram/@andersongeraldjr
TILA nagkaroon pala ng kasunduan ang celebrity couple na sina Julia Barretto at Gerald Anderson bago maging calendar girl ng isang liquor brand ang aktres.
Ang chika ni Julia, nagkaroon lang ng isang request ang kanyang boyfriend.
Ang bilin daw ni Gerald, dapat maging “graceful” pa rin siya kapag ginawa na ang pictorial ng pagiging calendar girl.
Ang rebelasyon na ‘yan ay ikinuwento ng aktres nang tanungin siya sa morning talk show na “Magandang Buhay.”
Nabanggit din ng Kapamilya actress na very supportive ang kanyang boyfriend kahit sa mga sexy projects niya.
Baka Bet Mo: Julia Barretto naloka sa chikang hiwalay na kay Gerald Anderson
“You know he’s always supportive as long as comfortable ako sa ginagawa ko. As long as feeling niya masaya naman ako,” pagmamalaki ni Julia.
Kwento niya, “I think ang pinaka request niya lang is ‘yung sana tastefully, gracefully pa rin siya gagawin. The same request from my family, my siblings, and si Mommy.”
Kung maaalala, noong Nobyembre ng nakaraang taon nang mapabilang si Julia sa Tanduay family bilang bagong calendar girl kasabay ng ika-170th anniversary ng liquor company.
“We wanted a strong, confident, and hardworking personality to represent the brand. Julia has weathered many challenges in her career and has emerged happy and successful,” wika sa inilabas na pahayag noon ng brand.
Baka Bet Mo: Yassi Pressman shookt nang aluking maging calendar girl; 2 weeks kinarir ang pagpapaganda ng katawan
Sa gitna ng launching, inihayag ng aktres kung bakit niya tinanggap ang pagiging calendar girl.
Sey niya, “It was something I was nervous about but also very excited because it was an honor to be chosen to represent the brand for 2024.”
“Excited but nervous because it means having to be a lot braver in expressing myself,” ani pa niya.
Samantala, taong 2021 pa nang mag-umpisang maging magdyowa sina Julia at Gerald.