Jhong Hilario
MULING binalikan ng actor-politician na si Jhong Hilario ang isa sa mga masasakit na experiences niya noon sa pakikipagrelasyon.
Sa segment na “Expecially For You” ay ibinahagi niya ang isa sa kanyang mga naging break up experiences na sangkot ang kanyang mga magulang.
Pagkukuwento ni Jhong, nagkaroon siya ng kasintahan na hindi nagustuhan ng kanyang mga magulang.
Aminado siya na masakit para sa kanya ang hindi pag-approve ng kanyang mga magulang sa dating dyowa.
“Kasi sa’kin medyo masakit dahil magulang ’yung ano eh… nagsabi na ‘hiwalayan mo,'” pagbabahagi ni Jhong.
Aniya, mabuti na lang daw ay naging busy siya noong mga panahong ‘yun sa kanyang karera kaya hindi niya ito masyadong ininda.
Baka Bet Mo: Jhong Hilario naranasan ang malakas na lindol sa Japan, pamilya takot na takot
Bandera IG
“So… buti na lang busy ako that time sa Streetboys. [Tapos] kasama ko sila, nakaka-kwentuhan ko, so medyo okay,” lahad ni Jhong.
Pag-alala niya, parang hinamak ng magulang ang propesyon ng kasintahan noon.
Kahit ganoon ang nangyari ay ginawa naman itong inspirasyon ni Jhong para mas maging maayos ang career.
“Kasi sabi sa’kin parang… ‘dancer lang yan eh, anong mapapala mo diyan?’ Pero okay lang. Ginawa kong inspirasyon ’yan,” pagbabahagi ng “It’s Showtime” host.