PHOTO: Instagram/@selenagomez
NEW year, new career.
Mukhang ganyan ang magiging peg ng international pop star na si Selena Gomez ngayong 2024.
Ibinunyag kasi ng singer sa isang interview na nais na niyang mag-focus sa kanyang acting career.
Pero bago, aniya, niya itong gawin ay maglalabas muna siya ng bagong album na magsisilbing last installment niya sa kanyang musical career.
“I started having a lot of fun with music. I was doing my TV show at the same time. But the older I get, the more I’m kind of like, ‘I would like to find something to just settle on.’” sey niya sa podcast na “SmartLess.”
Baka Bet Mo: Selena Gomez 4 years nang dedma sa socmed: It has changed my life completely!
Sa kabila ng pagiging successful singer, naging vocal din ang 31-year-old na singer-actress sa kanyang passion sa pag-arte.
Ayon pa nga sa kanya, mas nakikita niya ang kanyang sarili bilang aktres kaysa sa singer.
“I do feel like I have one more album in me, but I would probably choose acting. I am going to want to chill because I’m tired,” sambit niya.
Dagdag niya, “I think of myself more as an actress. I do work really hard when it comes to acting, and I want to do that for a long time. So, that’s where I hope to be recognized professionally most.”
Noong Disyembre nang ibinunyag ni Selena na ilalabas niya ang upcoming third full album sa darating na Pebrero matapos tanungin ng isang fan.
“When is SG3 coming, Sel??” usisa ng isang netizen.
Sagot naman niya, “In 2 months.”
Taong 2002 nang magsimula bilang child actor si Selena sa “Barney & Friends.”
Nag-umpisa naman siyang sumikat sa kanyang pagganap sa “Wizards of Waverly” sa Disney Channel.
At ang huli niyang acting project ay ang “Only Murders in the Building” na nakakuha ng dalawang Emmy nominations.