Pia Wurtzbach sa makukuha ng ‘Voice of Change’ beneficiary: 12K USD lang?

Pia Wurtzbach

KINUWESTIYON ni Miss Universe 2015 Pia Wurtzbach ang naging mechanics ng “Voice for Change” video contest ng Miss Universe 2023.

Tila hindi sang-ayon ang dating reigning queen sa naging desisyon ng organisasyon na na $12,000 lang ang matatanggap ng benipisaryo ng nagwaging kandidata.

Sa kanyang Instagram broadcast channel na “LIfe Updates with Pia” inamin ng beauty queen-actress na marami siyang mga tanong ukol sa “Voice of Change” contest.

“So wait… magkano ang isang vote sa ‘Voice for Change?’ 1 USD? How many votes did the top girls get?

“One USD per vote tapos umaabot sa hundreds of thousands ‘yung votes pero 12k USD lang mapupunta sa chosen charity ng winners?” takang tanong ni Pia.

Dagdag pa ng asawa ni Jeremy Jauncey, “So kung maka-300k votes = 300k USD. Tapos 12k lang ibibigay sa isang charity??”

Baka Bet Mo:

 

View this post on Instagram

 

A post shared by Bandera (@banderaphl)

Sey ni Pia, sana raw ay percentage ng nakuhang boto ng Miss Universe 2023 candidate ang mapupunta sa kanilang beneficiary at maging factor ang vote sa pagpasok ng Top 20 para makahikayat pa ng ibang boto sa madla.

“Di naman ako part ng org and nobody asked… pero sana percent ng votes mapunta sa charity. Like kung 300k ng votes, 50% of it can go to their advocacy tapos para may incentive lalo magvote mga tao. May sure slot and top girl sa Top 20.

“Sana pala straight to their advocacy nalang ‘yung prinomote ng girls,” suggestion ni Pia.

Nagpaabot naman siya ng congratulatory message sa nagwaging 2023 Miss Universe na si Sheynnis Palacios.

“Still… we have a deserving winner. What a beautiful crowning moment and such a heartfelt reaction,” sabi ni Pia.

Matatandaang isa sa mga kandidatang idineklarang gold honorees ng sa “Voice of Change” during the coronation night ng Miss Universe 2023 ay ang pambato ng Pilipinas na si Michelle Dee kasama sina Ana Bárbara ng Angola at Karla Guilfu ng Puerto Rico.