USAP-USAPAN ngayon sa social media kung hiwalay na nga ba ang magdyowang sina James Reid at Issa Pressman.
Ito ay matapos napansin ng madlang netizens na nag-unfollow ang dalawa sa isa’t isa sa Instagram.
Biyernes ng gabi nang mapansin ng isang netizen na hindi naka-follow si James kay Issa at ganoon rin ang dalaga kaya naman marami ang nanghinayang dahil hindi man lang daw nagtagal ang relasyon ng dalawa.
Hindi naman maitatanggi na nag-unfollowan nga ang dalawa dahil may mga ebidensyang screenshot ang mga Marites.
Samantala, may iba rin na nagsabing in-unfollow ni James si Issa pero nananatili pa rin itong naka-follow sa kanyang ex-girlfriend na si Nadine Lustre.
Kahit naman naka-unfollow ang dalawa sa isa’t isa ay makikita pa rin ang mga larawan nila sa feed.
Caption pa niya sa IG, “mi birthday && mi life’s gifts.”
MAKI-CHIKA: https://t.co/R93g45QnDX pic.twitter.com/AmxVZmafoa
— Bandera (@banderaphl) June 10, 2023
Huling nakitang magkasama in public sina James at Issa nang dumalo ito sa Opulence Ball noong October 31, 2023.
Ngunit nang i-check naming muli ang kanilang Instagram accounts ay makikitang naka-follow na ulit ang dalawa sa isa’t isa.
Tila na-“it’s a prank” ang madlang pipol dahil sa pag-aakalang hiwalay na ang dalawa.
Kaya naman hindi maiwasan ng mga netizens na mag-isip at maghinuha na baka nagkaroon lang ng tampuhan ang dalawa.
Narito ang ilan sa mga reaksyon ng netizens sa X (dating Twitter) ukol sa recent ganap nina James at Issa.
“MGA MARITES! ISSA PRANK!” sey ng isang netizen kalakip ng screenshot na naka-follow nang muli ang dalawa sa isa’t isa.
Comment naman ng isa, “Nagpapapansin lang naman sila. May bagong project ba na ipo-promote para pag-usapan?”
“next time James mag goodnight baby ka at mag update para hindi ka ibloblocked ni issa, sa labas kana man ba natulog?” biro naman ng isa.
Related Chika:
Paglayas ni Liza Soberano sa talent management ni James Reid na Careless ‘fake news’