Jeanine Tsoi at Jeron Teng
IKINASAL na ang PBA player na si Jeron Teng sa kanyang partner na si Jeanine Tsoi nitong nagdaang Linggo, October 15.
Naganap ang kanilang wedding sa San Agustin Church sa Intramuros, Manila, na dinaluhan ng kani-kanilang pamilya, mga kamag-anak at malalapit na kaibigan.
Parehong nag-post sina Jeron at Jeanine sa kanilang respective Instagram Stories, ng mga litrato na kuha sa naganap na kasalan.
Baka Bet Mo: James Yap certified vlogger na rin; na-wow mali agad sa unang vlog
Sa isang photo, makikita ang bagong-kasal na todo ang nginit at nakasakay sa isang Rolls-Royce, nahabang ipinakikita sa madlang pipol ang suot-suot nilang wedding ring.
“Just got married (ring emoji),” ang nakasulat sa IG post ni Jeron.
Ni-repost naman ito ni Jeanine sa kanyang Instagram Story na umani rin ng sandamakmak na likes, comments at congratulatory message.
Ibinahagi rin ng mag-asawa sa kanilang social media accounts ang mga video at litrato na ipinost ng kanilang mga bisita na dumalo sa kasal.
Bago ang church wedding nina Jeron at Jeanine, naganap muna ang tinatawag nilang Ting Hun celebration, isang Chinese tradition kung saan ang ikakasal ay nagdaraos ng engagement ceremony.
Matatandaang noong March 22, 2022 nang ibandera nina Jeron at Jeanine ang kanilang engagement matapos ang pitong taon nilang relasyon bilang boyfriend-girlfriend.
Unang nagkakilala ang mag-asawa sa De La Salle University (DLSU). Varsity player noon sa DLSU si Jeron habang courtside reporter naman sa University Athletic Association of the Philippines (UAAP) si Jeanine.