PBBM, Michael V, Gary V, ilan pang personalidad ‘nagdiwang’ sa pagkapanalo ng Gilas Pilipinas sa 19th Asian Games 

PROUD na proud ang sambayanang Pilipino matapos makagawa ng kasaysayan ang Gilas Pilipinas.

Magugunita na ang ating bansa ang naghari sa larangan ng men’s basketball sa naganap na 19th Asian Games noong October 6 sa Hangzhou Olympic Sports Centre Stadium sa China.

Nakuha ng tropang Gilas ang gintong medalya matapos talunin ang Jordan sa score na 70-60.

Kung maaalala, noong 1962 pa nang huling mag-uwi ng gold medal ang Philippine team sa men’s basketball sa Asian Games kung saan ang tinalo nila ay ang team China.

Ilan lamang sa bigating personalidad na nagpaabot ng “congratulatory” message at proud na proud sa national team ay si Pangulong Bongbong Marcos, ang batikang singer na si Gary Valenciano, ang komedyante at veteran actor na si Michael V., at marami pang iba.

Baka Bet Mo: LA Tenorio cancer-free na, handa nang bumalik sa basketball court

“I know every Filipino is proud to be called one today. Congratulations, Gilas Pilipinas, on this incredible feat!” pagbati ng ating presidente sa pamamagitan ng kanyang X (dating Twitter) account.

Mensahe pa niya, “Your hard work continues to elevate Filipino athleticism and sportsmanship to the global arena.”

Sa isang Instagram post naman, ibinandera ni Michael V ang throwback picture kasama ang basketball player na si Ange Kouame.

Ayon sa mga balita, nag-ambag ng 14 points si Ange upang manalo ang Gilas laban sa Jordan.

“Congrats sa G[yellow heart emoji]LD #GilasPilipinas [Philippine flag emoji],” saad ng komedyante sa IG.

Kwento pa niya, “Once upon a time, nakilaro din sa Basketboys si @angelokouame34 back in 2018 [basketball emoji].”

“SWIPE to see kung ga’no kami ka-close,” aniya pa.

Ramdam na tuwang-tuwa rin ang binansagang Mr. Pure Energy na si Gary V at ito ay ibinandera niya sa kanyang X account.

“Team GILAS PILIPINAS!!!! [heart, Philippine flag emojis]….CONGRATULATIONS!!!

After 62 years you’ve taken us back to the top in ASIA!!!!,” post ng singer.

Todo puri naman ang inihayag ng dating basketball player na si Chris Tiu.

“Wow!! What a performance by this Gilas squad! Excellent defensive strategy and execution. Congratulations Pilipinas!! Finally, after 60+ years! Ang saya!” saad niya

Para sa mga hindi pa masyadong aware, si Chris ay naging parte ng national team na nagwagi ng gold medal sa Southeast Asian Games noong 2011.

Ibinahagi naman ng batikang news anchor at radio host na si Arnold Clavio ang isang video clip kung saan makikitang masayang-masaya ang tropang Gilas pagkatapos ng kanilang laro.

Kalakip nito ang caption na, “Mabuhay Gilas Pilipinas [Philippine flag emojis].”

Related Chika:

Christian Bables best actor sa 19th Asian Film Festival: ‘A reminder that I’m always just as good as my last work’