Kathryn Bernardo at Dolly de Leon
BINALIKAN ng Kapamilya actress at Box-office Queen na si Kathryn Bernardo kung paano nagsimula at nabuo ang bago niyang pelikula na “A Very Good Girl“.
Ang comeback movie ng girlfriend ni Daniel Padilla sa big screen makalipas ang halos limang taon (huli siyang napanood sa blockbuster hit na Hello, Love, Goodbye kasama si Alden Richards) ay bahagi ng 30th anniversary ng Star Cinema.
Inamin ni Kathryn na talagang na-intimidate siya nang unang makaharap up close and personal ang co-star niya sa movie, ang internationally-acclaimed actress na si Dolly de Leon.
Ayon kay Kath, talagang hindi siya makapaniwala na nag-yes agad si Dolly nang ialok sa kanya ang “A Very Good Girl” na kaliwa’t kanan ang natanggap na parangal dahil sa Hollywood movie nitong “Triangle of Sadness.”
“Sinabi ko sa kanila, ‘You think may time si Ms. D na gumawa nito?’ Kasi alam ko mag-start siya ng project niya in Hollywood,” pahayag ni Kathryn sa presscon ng “A Very Good Girl” last August 23.
“Sabi nila, ‘Wala naman mawawala, so let’s try.’ So, the moment na naka-Zoom nila si Ms. D, and she agreed to do this project, parang ako, ‘Oh my god!’ Slowly nangyari na lahat!” pahayag ni Kath.
Pagbabahagi naman ni Dolly, “When I first met her…hindi ko na counted yung bata ka (sabay tingin kay Kath) kasi ibang-ibang tao ka nu’n. She was 13 or 12 (years old).”
Baka Bet Mo: Open letter ni Kathryn Bernardo kay Ronaldo Valdez nakakaiyak: ‘You are the lolo I never had…I love you so much!’
Sumingit naman si Kathryn ay binanggit ang pinagsamahan nilang serye noon sa GMA, ang remake ng Korean series na “Endless Love” noong 2010 kung saan gumanap siyag young Marian Rivera habang si Dolly naman ang kanilang class teacher.
“Ang kachika ko nu’n si Ms. Min (nanay ni Kathryn), hindi si Kath,” pag-alala pa ni Dolly.
Pagpapatuloy ng veteran actress, ang Star Cinema creative director na si Carmi Raymundo ang nagsabi sa kanya na si Kathryn ang makakasama niya sa “A Very Good Girl.”
“Kasi when Ms. Carmi Raymundo talked to me, after nila ikuwento lahat, sabi ko, ‘Maganda yung istorya, gusto ko ito gawin, maganda yung role, gusto ko gawin. Pero sino yung Philo, yung young woman?’
“When they said Kathryn, oh my god, yes! Gusto ko ito gawin agad-agad! I’ve admired her for a long time na. Sa Hello, Love, Goodbye, ang husay niya du’n. When I met her again, I was so nervous actually to meet her,” kuwento pa ng aktres.
“When I met her, hindi lang pala siya mabait, cool pala siya. Ang creative niya. Marami siyang ideas na na-put forward. Tsaka ang maganda kay Kath, usually when you’re an actor and you’re on camera, kunwari yung kaeksena ko is behind the camera, so wala siyang coverage, ako lang.
“Usually, some actors, ang ginagawa nila binabato lang nila yung linya. Si Kath pine-perform niya talaga.
“Kung paano niya ginagawa kapag sa kanya nakaharap yung camera. So that helps a lot. So she’s a very generous actor,” kuwento pa ni Dolly.
At nu’ng magsimula na nga ang kanilang shooting, inamin ni Kath na, “Bigla kong na-feel, ‘My god, na-intimidate ako.’ Ms. D was all-glammed up. Nakita ko kung paano siya mag-focus to prepare for the scenes.
“So parang ako, ‘Oh my god, I gotta keep up.’ Na-pressure talaga ako, which was a good kind of pressure. She didn’t make me feel, ‘Kailangan galingan mo.’ She was very supportive.
“Na-intimidate ako, pero napalitan naman agad ng good kind of pressure. I want to be good para maging worth it yung pag-agree ni Ms. D na tanggapin yung pelikulang ito,” sabi pa ng girlfriend ni Daniel Padilla.
Reaksyon naman ni Dolly, “Ang funny lang na na-intimidate ka sa akin kasi kinakabahan din ako sa iyo nung first few days. Pero eventually naging kumportable na ako. Although there were times, I’m in a scene, because she’s so good.
“It’s a no-no as an actor na while in a scene, pinapanood mo yung co-actor mo. Dapat in the scene ka. But there were many times pinapanood ko lang siyang umarte, kasi ang galing-galing niya.
“Tapo ika-catch ko yung sarili ko, ‘Tama na, hindi ka si Dolly, si Molly ka.’ I really felt like it was a learning experience. I learned a lot from her. She has nothing to learn from me,” papuri pa ni Dolly kay Kathryn.
Resbak ni Sunshine sa epal na basher: Masarap po mabuhay nang may pagpapatawad at pagmamahal sa puso