MAY pakiusap at panawagan ang Philippine Red Cross (PRC) sa publiko kaugnay sa maling paggamit ng “143 emergency hotline.”
Ayon kasi sa ahensya, mas marami ang natatanggap nilang “prank calls” kaysa sa mga may seryosong emergency situation.
Base sa inilabas na data mula sa PRC Operations Center noong August 14, 78 percent ng mga tawag ay puro non-emergencies at prank calls.
Karamihan ng mga tumatawag ay ibinaba ang telepono matapos batiin ng mga kinatawan ng nasabing ahensya.
Dahil diyan, binigyang-diin ni PRC Chairman Richard “Dick” Gordon ang kahalagahan ng pagpapanatiling available ang hotline para sa mga tunay na emergency.
Baka Bet Mo: COVID-19 ‘public health emergency’ sa Pilipinas pinawalang-bisa na ni PBBM
“Let us deter abuse and disallow prank calls to PRC’s 143 Hotline because we need to respond to emergency situations as urgently as possible,” sey ni Gordon.
Sinang-ayunan naman ito ni PRC Secretary-General Gwen Pang at sinabing dapat mas bigyan ng prayoridad ang mas nangangailangan ng tulong.
Sambit niya, “We must prioritize the 143 hotline for people facing emergencies like road accidents or health crises.”
“The line should be reserved for calls needing immediate attention,” dagdag pa niya.
Read more:
Kris Aquino may ‘medical emergency’, pupunta sa Amerika para magpagamot