Jane Oineza at RK Bagatsing
NAKIKITA na ng Kapamilya actress na si Jane Oineza bilang future husband ang kanyang longtime boyfriend na si RK Bagatsing.
Ayon kay Jane, na kay RK na ang halos lahat ng mga katangian na hinahanap niya sa isang lalaki kaya feeling lucky and proud talaga siya sa kanilang relasyon.
Ipinagdiinan ng dalaga na seryoso siya sa pakikipagrelasyon kahit noong kabataan niya at ipinagdarasal niya na sana’y si RK na nga ang kanyang “forever” at “the one.”
“Hindi naman ako pumapasok sa isang relationship na laro-laro lang. So eventually darating tayo roon. Pero hindi naman kailangang magmadali,” sey ni Jane sa panayam ng ABS-CBN.
Sabi pa ng lead star ng bagong drama series ng ABS-CBN na “Nag-Aapoy na Damdamin”, kahit na super busy sila ngayon sa kanilang respective career, sinisiguro nilang may oras pa rin sila para sa isa’t isa.
“Alam mo ‘yun ang nakakatuwa sa amin kasi kahit busy ‘yung isa’t isa hindi naman kami nangangamba masyado dahil alam namin na nandiyan lang kami full support.
Baka Bet Mo: RK Bagatsing, Jane Oineza wala pang balak magpakasal, marami pang gustong gawin sa kanilang showbiz career
“Lagi naman din kaming naghahanap ng oras sa isa’t isa. Kunwari ngayon kung busy ay lagi kaming naga-update, lagi kaming nag-uusap. Basta mag-i-squeeze in kami ng us time,” pahayag ng aktres.
Sey pa ni Jane, “Wala kaming tinatago sa isa’t isa kasi safe space namin ang isa’t isa.” Isa raw iyan sa mga sikreto ng kanilang pagsasama kaya naman mas lalo pang lumalalim at nagiging solid ang relasyon nila.
Samantala, mapapanood na simula sa July 25 ang “Nag-Aapoy na Damdamin”, directed by FM Reyes and Benedict Migue. Ka-join din dito sina JC de Vera, Tony Labrusca, Ria Atayde, Joko Diaz, Kim Rodriguez, Maila Gumila, Carla Martinez, Aya Fernandez at Nico Antonio.
Abangan ang pagsisimula nito sa Kapamilya Channel, Kapamilya Online Live, iWantTFC, TFC, A2Z at TV5.