AYON sa Department of Labor and Employment (DOLE), inaprubahan na ng wage board sa Metro Manila ang dagdag na P40 sa minimum wage para sa mga manggagawa na nasa pribadong establisyemento.
Sa isang pahayag, sinabi ng DOLE na ang pagtaas ng sahod ay ipatutupad sa pamamagitan ng isang wage order na inilabas ng Regional Tripartite Wages and Productivity Board ng Metro Manila noong June 26.
“lt provides an increase of P40, bringing the daily minimum wage in the region from P570 to P610 for the non-agriculture sector and from P533 to P573 for the agriculture sector, service and retail establishments employing 15 or less workers, and manufacturing establishments regularly employing less than 10 workers,” saad ng ahensya.
Sinabi rin ng kagawaran na ang wage order ay pinagtibay ng National Wages and Productivity Commission (NWPC) noong June 27.
Sey ng DOLE, “The wage order is expected to directly benefit 1.1 million minimum wage earners in Metro Manila.”
“About 1.5 million full-time wage and salary workers earning above the minimum wage may also indirectly benefit as a result of upward adjustments at the enterprise level arising from the correction of wage distortion,” ani pa.
Samantala, hindi natutuwa sa dagdag na sahod ang grupong “Bagong Alyansang Makabayan.”
Ayon sa presidente nito na si Renato Reyes, maliit pa rin ang itinaas kung ang pagbabasehan ay ang average family living wage.
“Ang liit ng dagdag sahod na P40. Ang family living wage ay P1,100,” sey niya sa isang social media post.
Paliwanag niya, “Kapag dinagdag ang P40, nasa P610 lang ang NCR wage, o kalahati lang ng nakabubuhay na sahod.”
Ipinunto pa niya na malayo ang P40 sa iminungkahi sa senado na dagdag na P150 para sa minimum wage sa private sector.
Sumang-ayon naman ang Senate President na si Miguel Zubiri kay Reyes.
Sey niya, “That’s a wonderful development for our workers, although it’s not enough.”
Read more:
DOLE maglulunsad ng ‘job fair’ sa Labor Day, may alok na mahigit 73,000 na trabaho