Charo Santos, Christian Bables waging best actress at best actor sa 5th EDDYS; ‘On The Job: Missing 8’ itinanghal na Best Film
Christian Bables, Charo Santos at Mon Confiado
WAGING Best Actress ang veteran movie icon na si Charo Santos habang Best Actor naman si Christian Bables sa katatapos lang na 5th The EDDYS (Entertainment Editors’ Choice) ng Society of Philippine Entertainment Editors (SPEEd).
Matagumpay ang idinaos na Gabi ng Parangal sa Metropolitan Theater (MET) kagabi, November 27 kung saan nagwagi nga si Charo para sa pelikulang “Kun Maupay It Panahon” at si Christian para sa “Big Night”.
Ang naging host ng awards night ay ang nag-iisang King of Talk na si Boy Abunda habang ang OPM legend at singer-songwriter namang si Ice Seguerra ang nagsilbing direktor ng naturang event.
Big winner sa ika-5 edisyon ng The EDDYS Choice ang “On The Job: The Missing 8” na nakakuha ng walong tropeo kabilang na ang Best Director para kay Erik Matti, Best Supporting Actress para kay Lotlot de Leon at Best Film (Reality Entertainment).
Bukod sa Best Actor, naiuwi rin ng “Big Night” ang Best Screenplay para kay Jun Robles Lana.
Nanalo namang Best Supporting Actor si Mon Confiado para sa pelikulang “Arisaka.”
At tulad ng mga nakaraang taon, naging highlight ng Gabi ng Parangal ang pagbibigay ng 5th The EDDYS sa mga movie icons na sina Tito Sotto, Vic Sotto, Joey de Leon, Phillip Salvador, Roi Vinzon, Alma Moreno, Elizabeth Oropesa, Helen Gamboa, Divina Valencia, at Sharon Cuneta. Sina Phillip, Roi, Alma at Divina lang ang nakarating sa awards night.
Nagbigay naman ng pasabog at bonggang-bonggang performance sina Jonah, Zephanie, Regine Tolentino, Dance Royalties at ang direktor ng The EDDYS na si Ice Seguerra.
Narito ang kumpletong listahan ng mga nagwagi sa ika-5 edisyon ng The EDDYS:
Best Supporting Actor: Mon Confiado for Arisaka
Best Supporting Actress: Lotlot de Leon for “On The Job: The Missing 8”
Best Sound Design: Corinne de San Jose for “On The Job: The Missing 8”
Best Musical Score: Erwin Romulo (On The Job: The Missing 8), Cesar Francis Concio (Love is Color Blind), Teresa Barrozo (Big Night)
Best Original Theme Song: “Maghihintay” mula sa “More Than Blue” (Words, music and performance by Marion Aunor)
Beautéderm Male and Female Faces of the Night: Sean de Guzman and Alexa Miro
Best Visual Effects: Mothership para sa “On The Job: The Missing 8”
Best Editing: Jay Halili “On The Job: The Missing 8”
Best Production Design: Whammy Alcazaren para sa “Kun Maupay Man It Panahon”
Best Cinematography: Neil Derrik Bion para sa “On The Job: The Missing 8”
Best Screenplay: Jun Robles Lana para sa “Big Night”
Best Director: Erik Matti para sa “On The Job: The Missing 8”
Best Actor: Christian Bables for “Big Night”
Best Actress: Charo Santos for “Kun Maupay Man It Panahon”
Best Film: “On The Job: The Missing 8”
Special awards:
Joe Quirino Award: Mario Dumaual
Manny Pichel Award: Eric Ramos
Rising Producers’ Circle: Rein Entertainment
Producer of the Year: Viva Films
Christian Bables imposibleng ma-in love sa bading: My preference ay hindi po same sex…
Tito, Vic, & Joey, Phillip, Sharon, Alma, Helen pasok sa Icon Awards ng 5th EDDYS
Christian Bables kay Direk Jun Lana: Natatakot po ako sa kanya na nahihiya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.