PHOTO: Instagram/@pauleenlunasotto
NAGPAKALAT ng good vibes ang celebrity couple na sina Pauleen Luna at Vic Sotto sa social media.
Sa Instagram, ibinandera ng aktres ang isang video na kumakain silang mag-asawa nang biglang umulan nang malakas.
Mapapanood na tumayo sa upuan si Pauleen upang isara ang mga bintana ng kanilang bahay.
Dahil diyan ay mabilis namang kinuha ni Vic ang mga pinya na nasa plato ng aktres at kinain agad-agad.
Mapapakinggan pa sa video na tumawa nang malakas si Pauleen na tila nakita ang ginawa ng kanyang mister.
Aniya pa, “K fine you can have all my last bites!”
Bentang-benta at tawang-tawa naman ang maraming netizens sa post ni Pauline at narito ang ilan sa mga naging komento nila.
“It’s a natural comedian! Parang shooting ng movie! [laughing emoji].”
“Hahahah ang cute! Daming beses kong inulit [laughing emoji].”
“Ang bilis ni bossing hahahaha! Huli pero di kulong [laughing emoji].”
Taong 2013 nang umamin sina Pauleen at Vic sa kanilang relasyon.
Noong 2016 naman nang ikinasal ang dalawa matapos ang dalawang taong engaged.
Biniyayaan sila ng isang anak na si Tali noong 2017.
Related Chika: