KAKALOKA, ipinoprotesta pala si Maja Salvador ng ilang fans. Ang chika, hindi raw feel ng mga fans nina Angel Locsin at Jericho Rosales na makasama si Maja sa isang soap na pagbibidahan ng dalawa where JC de Vera is also in the cast.
Marami pa rin pala ang galit na galit kay Maja dahil sa pakikipagrelasyon nito kay Gerald Anderson. Ayaw pa rin nila sa dalaga dahil ang image raw nito ay isang ahas.
Teka, baka ang fans lang ni Kim Chiu ang nagre-react at against sa bagong soap opera ni Maja kasama sina Angel at Echo, hindi kaya? Alam mo naman ang fans ni Kim, walang pakialam at talagang namba-bash.
Until now ay hindi pa rin kasi nila ma-take itong si Maja. Kontrabida pa rin ang tingin nila sa dyowa ni Gerald. Tingnan na lang natin kung paaapekto ang Dos sa hiling ng fans na tsugihin si Maja sa soap opera nilang kasalukuyang ginagawa.
Tanggalin nga kaya si Maja sa project na ito in favor of Kim’s supporters?
( Photo credit to Google )