Xian Lim at Kim Chiu
KAHIT mahigit 10 taon na ang relasyon nila ng Kapamilya TV host-actress na si Kim Chiu, tuluy-tuloy pa rin daw ang panunuyo at panliligaw ni Xian Lim sa kanyang girlfriend.
Ayon sa lead actor ng pinakabagong teleserye ng GMA 7 na “Hearts on Ice” kung saan makakatambal niya si Ashley Ortega, sinisiguro niya lagi na may sapat na panahon siya para kay Kim.
Ibinahagi ng hunk actor at direktor sa “Fast Talk with Boy Abunda” last Thursday ang ilang sikreto sa solid na solid pa ring pagsasama nila ni Kim
Tanong ni Tito Boy kay Xian, “Nasaan kayo ni Kim ngayon pagkatapos ng lahat ng taon na pinagdaanan? I saw you as kids. What have you become in terms of evolution of your relationship?”
Tugon ng aktor, “After so many years of being together, akala mo you give a mark eh, na parang okay, after a year, after two years, after five years, after 10 years, sasabihin mo kilalang-kilala ko na itong tao na ito. But no, actually you find out more about each other.”
Patuloy pa niya, “I think the secret behind it, is letting each other grow individually and growing together as a couple. So, we respect that about each other.”
Aniya pa, “Hindi rin dapat natatapos ‘yung panliligaw sa isa’t isa. I think people, once you get comfortable, that’s the danger zone, kapag relax ka na at kampante ka na kasi nandiyan naman siya.”
Naitanong din kay Xian ang tungkol sa viral letter niya para sa sarili, “I think I made this video, para lang to reached out to people, na parang feel confused… sometimes, it’s not going in my way, and I felt that.
“While making this video, sabi ko, I just want them to be able to relate sa akin, na it’s gonna be okay, that they don’t need to be worry and they don’t need to feel bad because they made mistakes, it is a part of life,” esplika pa ng aktor.
Samantala, excited na ang mga Kapuso viewers sa pagsisimula ng “Hearts on Ice” sa GMA Telebabad next week. Ito ang unang pagtatambal nina Xian at Ashley at base sa trailer ng serye, mukhang promising naman ang kanilang loveteam.
Talagang kinarir ni Xian ang training sa ice skating para sa nasabing serye. Makakasama rin dito sina Lito Pimentel, Ina Feleo, Cheska Inigo, Kim Perez, Roxie Smith, Ruiz Gomez, Skye Chua, Antonette Garcia, Rita Avila, Tonton Gutierrez, Amy Austria, at marami pang iba.
May special participation din sa “Hearts on Ice” ang Olympic figure skater na si Micheal Martinez. Ito’y mula sa direksyon ni Dominic Zapata.
Kim suportado ang paglipat ni Xian sa GMA; makakatambal si Jennylyn sa unang Kapuso serye
Xian Lim hindi pa handang maging tatay: Spiritually, I think I need a proper mindset for it
Kim shookt sa ipinakita ni Xian sa ‘Always’: Hala! Ang galing niya, nakaka-in love lalo!