Christopher Quimbo at Alodia Gosiengfiao
IKINASAL na ang cosplayer na si Alodia Gosiengfiao sa kanyang boyfriend na si Christopher Quimbo kahapon, February 14.
Mismong Araw ng mga Puso naganap ang wedding nina Alodia at Christopher at base sa mga litratong nakita namin sa Instagram, nangyari ang seremonya sa Marriott Grand Ballroom, Pasay City.
Ilang photos din na kuha sa wedding ang ibinahagi ng bridesmaid ni Alodia na si Verniece Enciso kabilang na ang ilang kaganapan bago magsimula ang kasal.
Sa mga hindi pa nakakaalam, ang napangasawa ng online gamer ay president at general manager ng Calabria Company Limited, ang gumagawa ng Novellino wine.
Bukod sa mga kapamilya, present din sa kasal ni Alodia ang ilang malalapit niyang kaibigan sa showbiz kabilang na ang Kapuso actress at kapwa niya cosplayee at gamer na si Myrtle Sarrosa.
Matatandaang sinabi ni Alodia sa isang interview last September, 2022, na ngayong Pebrero nga ang kasal nila ni Christopher ngunit hindi niya binanggit ang eksaktong araw.
Sa kanyang YouTube channel noong July, 2022 ay ibinandera ni Alodia sa madlang pipol na engaged na sila ni Christopher matapos itong mag-propose sa kanya sa mismong winery na pag-aari ng asawa.
Ang nakalagay sa caption ng kanyang video, “For some, it takes a lifetime to find true love. But for the lucky ones, a lifetime is merely enough to share the love they’ve found.”
Pahayag pa niya, “Naging suspicious na ako kasi bakit ang daming flowers. Okay, maganda itong pang-Instagram and what-not.
“And then nagkaroon na ng candles and a little parang set-up na doon sa middle. Ah, okay, parang there’s something happening,” sey ni Alodia.
Hanggang sa lumuhod na nga sa harapan niya si Christopher sabay labas ng engagement ring. Tanong niya kay Alodia, “Will you marry me?” Na sinagot agad ng cosplayer ng, “Of course!”
Alodia Gosiengfiao malapit ng ikasal kay Chris Quimbo, nagkaroon ng bachelorette party