PHOTOS: Arnel Tacson, INQUIRER.net
ISA ang sugatan matapos sumiklab ang sunog sa isang warehouse sa Makati City.
Ayon sa Bureau of Fire Protection (BFP), nagtamo ng second-degree burn sa kanan na braso ang isang trabahador ng nasabing warehouse.
Wala namang naitalang patay sa insidente.
Ayon sa report, Pagawaan ng wooden pallet ang nasunog na warehouse sa Barangay Singkamas.
Nagsimula ang sunog noong February 10 bandang 4:25 p.m. hanggang sa naging 3rd alarm na bandang 4:39 p.m.
Idineklara ang “fire out” matapos ang halos apat na oras, bandang 8:06 p.m.
Ayon sa mga awtoridad, bukod sa mga pinsala sa warehouse ay na-damage din ng sunog ang mga kotse na naka-park malapit dito.
Patuloy pa rin iniimbestigahan hanggang ngayon ang sanhi ng sunog at ang kabuuang pinsala sa warehouse.
Read more: