Plus-size model ‘Queen’ Gracey bumabandera sa PH fashion scene

‘Queen’ Gracey/ARMIN P. ADINA

LIMANG taon na ang nakalilipas mula nang bumandera si “Queen” Gracey sa mundo ng fashion sa bansa bilang isang plus-size model, at sinabi niyang sa maikling panahong iyon ay nakapansin siya ng pagbabago sa industriya, at pawang magaganda ang mga ito.

“It became a trend back in 2017 when I started. In the beginning it was kinda tough because being blended with regular models you feel kinda off, because you don’t look like them,” sinabi niya sa Inquirer sa “launch party” na idinaos kamakailan ng NuSkin sa Exquadra Tower sa Ortigas Center sa Pasig City.

Kabilang si Gracey sa social media personalities na inanyayahan upang masaksihan ang pagdating sa Pilipinas ng Inner Focus Collagen Plus, na itinatambal ng kumpanya sa ageLOC LumiSpa IO device.

“It’s better now. Before there was a struggle with regards to acceptance. Now we have accepted it, embraced it,” aniya. Tinukoy pa niya ang tagumpay nina American supermodel Ashley Graham at British top model Iskra Lawrence para sa nagbabagong panuntunan ng ganda, at sa nag-iibang mukha ng fashion na tinatanggap na ng lipunan.

“I’m happy now that because of the models abroad like [Graham] and [Lawrence], we have embraced it. I feel much confident now. I’m socializing now, as you can see. I don’t feel shy or embarrassed or anything. I’m loving it now,” ibinahagi ni Gracey.

Nasa Pilipinas si Graham noong Enero 2017 para sa 2016 Miss Universe pageant upang magsilbing backstage correspondent para sa coronation night, kung saan naman nakaungos sa Top 9 ang full-figured Canadian candidate na si Sierra Bearchell.

Sinabi niyang maaaring makaapekto sa emosyon ng isang babae ang pagkakaroon ng sukat na katulad ng sa kaniya, “like your self confidence, and your self worth.” Ngunit tiniyak niya sa iba pang full-figured na kababaihan, “there’s nothing wrong with it.”

Sinabi ni Gracey, “being confident, wearing any clothes you like, you’re not limited to any clothes, you can wear whatever you like. As long as you’re confident then you can rock it.”

At sa mga nagnanais sumunod sa mga yapak niya, nagpapayo siya ng self care, tulad ng pagsunod sa isang skin care regimen. “Start with choosing the right products for your skin, and you can go from there. Be inspired. If you are inspired you will do it religiously, and consistency is the key.”