Alex Gonzaga
NAGING emosyonal ang TV host-actress at vlogger na si Alex Gonzaga-Morada nang mapag-usapan ang tungkol sa mga sinasabi sa kanya ng mga tao.
Hindi napigilan ni Alex ang maluha sa latest podcast niya na may titulong “Ano Na Catherine” kung saan tinalakay nga niya ang katanungang “Pagiging Mayabang ba kapag Ikaw ay naging Matapang?”
Diretsahang sinabi ng sisteraka ni Toni Gonzaga na tao lang din naman siya na naaapektuhan at nasasaktan din kapag may mga pangit at kanegahang sinasabi ang mga tao about her.
Pero aniya, kailangan daw niyang ipakita sa publiko na matapang siya at hindi naaapektuhan ng mga pamba-bash at pang-ookray sa kanya.
“Mahirap siyang aminin sa sarili mo na, I’m a weak person. Yung mukha kang matapang sa harap ng maraming tao pero ang bilis mong masaktan.
“Pag may sinabi sa ‘yo or may ginawa sa ‘yo yung isang tao, parang apektado ka pero ayaw mong maging ganoong klaseng tao, ayaw mong masabihang ‘Mahina ‘yan eh,’” pahayag ni Alex.
Nabanggit din ni TV host-comedienne ang nararamdaman niya noon kapag pinagkukumpara sila ng kanyang ateng si Toni, lalo na sa kanilang pamilya.
Dito nga niya inamin na hanggang ngayon ay struggle pa rin para sa kanya ang magpakatotoo — kung paano maipakikitang matapang siya na hindi magiging mayabang ang dating.
Inamin din niya na may pagkakataon noon na hindi na raw siya masaya sa nangyayari sa kanyang showbiz career at feeling niya ay hindi na niya kilala ang sarili.
Kamakailan ay nagpasalamat naman si Alex sa mga achievements at rating ng kanyang podcast.
“Opening my heart and sharing my thoughts to all of you has always been my dream.
“So thank you netizens and podzsters for giving me your time to listen. We live, make mistakes but the best part is we learn together. Love u all. #AnonaCatherine,” aniya.
Willie kay John Lloyd: Ang galing mo, fan mo ako…napakabuti mong tao