Ina Raymundo at ang tapat na taxi driver na si Mike
TODO-TODO ang pasasalamat ng aktres na si Ina Raymundo sa isang taxi driver na nagpamalas ng katapatan sa kanyang pamilya.
Sa naglipanang mga scammer, manloloko at magnanakaw sa mundo, marami pa ring mabubuting tao na mas gustong makatulong at makapagpasaya ng kanilang kapwa.
At isa na nga riyan ang taxi driver na pinasalamatan ni Ina na nagbalik ng cellphone ng kanyang anak.
Sa isang Instagram story, ibinahagi ng aktres ang litrato ng lalaking nagngangalang Mike na aniya’y talagang nag-effort para lamang maisauli ang cellphone ng anak.
Sey ni Ina sa caption, “Maraming salamat, Mike, driver ng RMJJ taxi! My son left his cellphone in his car but he returned it to us.”
Sobra-sobra ang pasasalamat niya sa tapat at honest na driver, “Nakakatuwa at may mga tao pa talaga na may ginintuang puso.
“Pinaganda mo ang pagpasok ng 2023 namin. May God bless you always,” mensahe pa ng aktres.
Ina Raymundo, asawa, 5 anak tinamaan din ng COVID: Please keep calm, God is still in control
Ina Raymundo may poser sa FB: This impostor is selling items under my freaking name!
Francine Diaz deadma sa bashers: May masasabi’t masasabi sila sa ‘yo