Gabbi Garcia at Khalil Ramos
DISMAYADO ang Kapuso actor na si Khalil Ramos sa kaso ng pagnanakaw sa kanyang sasakyan halos tatlong buwan na ngayon ang nakararaan.
Nagbigay ng update ang boyfriend ng Kapuso actress na si Gabbi Garcia tungkol sa nakarnap niyang vintage Mitsubishi Montero noong Oktubre, na pag-aari ng kanyang lolo.
Sa kanyang Facebook account noong October 27, malungkot na ibinalita ni Khalil ang masaklap na insidente kasabay ng panawagan sa publiko na tulungan sila na ma-recover ang kanyang sasakyan.
Ayon sa binata, “Ang high nu’ng sentimental value cause that was my lolo’s car and inalagaan talaga ‘yun ng dad ko. So, heartbreaking pa rin for us.”
Sa panayam ng “24 Oras” nabanggit ni Khalil na umaasa pa rin siya na mare-recover pa rin ang kanyang kotse sa tulong na rin ng mga operatiba ng Philippine National Police.
“Yes, we are still hopeful na sana maimbestigahan nang maayos ng Anti-carnapping group and the PNP is doing their best naman in looking for the car, kaso mahirap lang kasi talaga ma-track down,” ang positibo pa ring pahayag ni Khalil.
Nagbigay rin siya ng payo at paalala sa mga tulad niyang car enthusiasts, lalo na sa mga vintage car collector.
“If your car is old, kailangan mo lagyan ng GPS tracker, cause older cars are more vulnerable to carnapping incidents.
“And ‘yun if ever mahanap namin, ‘yun ‘yung una naming gagawin lalagyan na namin siya ng GPS tracker,” sabi pa ni Khalil Ramos.
Gabbi ‘ghinost’ si Khalil noon para makipagbalikan sa ex-boyfriend
Alden game na game sa project kasama sina Bea at John Lloyd; Gabbi, Khalil muntik nang maghiwalay