Kim Atienza at Vice Ganda
NABAHIRAN na naman ng kontrobersya ang pagsagot ni Kim Atienza sa isang tweet ni Vice Ganda kaugnay ng anniversary celebration ng “It’s Showtime” last Saturday.
Nagsimula ito sa naging mensahe ng TV host-comedian sa pagkapanalo nina Ryan Bang at Jhong Hilario sa “Magpasikat 2022” ng kanilang noontime show sa ABS-CBN.
Bago tuluyang magpaalam sa mga manonood, nagbahagi si Vice ng kanyang saloobin hinggil sa naganap na “Magpasikat 2022” sa “It’s Showtime.”
“Binalikan niya kung ano siya. Siya ay Koreano na minamahal ng Pilipinas. At siya ay Koreano na mahal ang Pilipinas. Nang binalikan niya, lalong lumabas ang totoong kagandahan niya bilang tao.
“Gusto kong magpasalamat at balikan yung pinagmulan natin. Direk Bobet Vidanes, thank you very much. Direk Mel Feliciano, thank you very much. Direk Boyet, thank you very much,” pahayag ni Vice sa mga dati nilang kasamahan sa programa.
Nabanggit din niya sina Billy Crawford, Coleen Garcia, Eruption, Kuya Kim Atienza at Joey Marquez, “Gusto kong balikan lahat ng masasayang alaala kasi masayang-masaya naman tayong lahat, mahal na mahal natin yung isa’t isa bago tayo hindi nagkaintindihan. Bago tayo nagkasakitan. Bago tayo nagalit sa isa’t isa, nagmahalan tayo.”
Ito naman ang ipinost ng komedyante sa kanyang Twitter, “As we end this weeklong celebration of It’s Showtime’s 13’th Anniversary i wanna say THANK YOU VERY MUCH Madlang People! From the bottom of my heart! Labis labis na utang na loob ang tinatanaw ko sa inyo!”
Tweet naman ni Kuya Kim, “You’re welcome, Vice. We have all moved on and God has put us in our special places we should be. All the best to all of you there on Showtime. God bless you all.”
Iba’t iba naman ang naging reaksyon ng netizens sa ipinost ni Kuya Kim na mensahe para kay Vice, may mga natuwa pero meron ding nang-okray sa Kapuso TV host at Trivia Master.
Komento ng isang netizen, “Masakit mawalan ng kaibigan I hope magkaayos na all for love and friendship @vicegandako @BillyCrawford @kuyakim_atienza @jhongsample.”
Reply sa kanya ni Kuya Kim, “Di naman nasira. We are all family regardless of network or show.”
May mga bashers naman ang nagkomento ng bakit daw kailangan pa niyang mag-tweet tungkol sa sinabi ni Vice. Halatang kaplastikan daw ang ginawa niya.
Pagtatanggol ng isang netizen kay Kuya Kim, “Sana nag-isip ka muna bago ka nag-comment ng ganyan! Nag-tweet si Kuya Kim para malaman din ng mga tao na marunong siya magpasalamat kay @vicegandako kasi kung di niya ‘yan gagawin iisipin ng mga tao toxic na tulad mo na dedma lang siya. Kaya wag puro kuda mag-isip ka rin! Periodt!”
“Yes, tapos pag private nag-thank you sasabihin ay hindi man lang nagpasalamat, inisnab si Vice. Wehehe, sala sa init, sala sa malamig. In short mema lang,” pagsang-ayon ng isa pang Twitter user.
Nag-comment naman dito si Kuya Kim, “Salamat… May mga taong likas na toxic… hayaan mo na lang baka may pinagdadaanan.”
Pero hindi pa rin siya tinantanan ng hater, “Plastik may DM po lol,” na sinagot naman ni Kuya Kim ng, “Nag-DM po ba si Vice? Hingang malalim po galaw-galaw.”
Kuya Kim may swabeng hirit kay Ogie Diaz; bawal ikampanya ang ama sa Eleksyon 2022
Kim Atienza nabiktima ng satire page, pinag-tripan ng netizens: This is a scam
Ogie may advice kay Kuya Kim: Tulungan mo na lang ang tatay mo