Billy Crawford at Coleen Garcia
SINIGURO ni Coleen Garcia na babalik sila ng asawang si Billy Crawford sa Pilipinas mula sa France bago mag-Christmas.
Kasalukuyan pa ring nasa Lyon, France si Coleen pero talagang humarap pa rin siya sa ilang members ng media dito sa Pilipinas via zoom para sa mediacon ng bago niyang pelikula sa Viva Films, ang horror film na “Kaluskos”.
Feeling winner din si Coleen nang tanghaling grand champion si Billy sa French edition ng “Dancing with the Stars”. Tatlong buwan na raw sila sa France ng kanyang asawa.
“It’s no vacation at all. We stay in an apartment and iba talaga ang buhay namin dito kaysa sa Pilipinas.
“Ibang experience kasi wala kaming katulong, so we do everything ourselves, but we’ve learned to adjust.
“We will be staying here up to December and be back in Manila for Christmas,” chika ng aktres at dating TV host.
Samantala, excited na si Coleen sa pagpapalabas ng “Kaluskos” directed by Roman Perez, Jr. dahil ito nga ang kanyang first horror movie.
Paglalarawan ng celebrity mom sa kanyang role sa movie, “She is so career-oriented so she has no time for her daughter, played by child actress Queenzy Calma.
“She is separated from her husband, played by Karl Medina, and they are now in a midst of a custody battle. Tapos, she’s given time to spend with her daughter and strange things start to happen,” kuwento ng aktres.
“Our screenwriter, Enrique Villasis, says its more of a domestic thriller. I love the material and the script, so I was excited to do this project.
“I am really waiting to do this kind of genre movie. I feel I have more room in exploring and developing my character,” aniya pa.
Kumusta naman katrabaho si Direk Roman Perez, Jr.? “Pareho kami ni Direk Roman sa vision namin about Rebecca, the character I play, and he really guided me. Sobrang chill lang siya sa shoot and we have a happy set, hindi nakaka-stress.”
Kasama rin sa “Kaluskos” sina Cara Gonzales, Karl Medina, Elora Espano at marami pang iba. Ang nasabing movie ay nominated sa best picture category ng Cinemalaya 2022 at ipalalabas na nga ito sa mga sinehan nationwide simula sa November 30.
Billy ibinuking si Coleen: Nagpapasalamat ako sa Diyos dahil kuripot ang asawa ko!
Coleen puring-puri si Billy bilang anak, asawa at tatay: Happy birthday again, my love!