Baguio may bonggang Christmas decor, patok na patok sa mga turista

PHOTO: Facebook/Baguio City Public Information Office

“CHRISTMAS is just around the corner.”

‘Yan ang naging peg ng Baguio City sa ipinagmamalaki nilang bagong tourist attraction sa kanilang lugar.

Mahigit isang buwan pa bago ang Christmas season pero pasabog na ang Christmas decor Baguio Country Club!

Ibinahagi mismo ng Baguio City Public Information Office sa Facebook ang mga larawan ng bagong atraksyon.

Makikitang nagmistulang “Christmas Village” ang lugar at may snow pa.

O diba, hindi na kailangang magpunta ng ibang bansa para makaranas ng umuulan na niyebe.

Ayon sa Baguio PIO, ang napiling tema ngayong taon ay “Oriental Winter Wonderland.”

Maliban sa bonggang Christmas decorations ay may pasabog pa silang iba’t-ibang klase ng show na siguradong mag-eenjoy ang mga turista.

Kabilang na riyan ang snow show, nativity pageant, cosplay busking, live musical performance, picture taking with Santa, at marami pang iba.

Lahad sa post, “Set to run from Oct. 10, 2022 until January 8, 2023, this year’s offering adopted the ‘Oriental Winter Wonderland’ theme showcasing activities such as a snow show, nativity pageant, cosplay busking, live musical performance, picture taking with Santa, Japanese and Korean characters and a wishing wall.”

Ibinahagi rin ng FB page ang mga schedule at entrance fees.

“From 10:00 AM to 4:59 PM, Php 90 for adults, Php 50 for kids (4-12 yrs. old) and Php 30 for senior citizens (60 years old and above).

“From 5:00 PM to 10:00PM, Php 125 for adults, Php 90 for kids (4-12 yrs. old) and Php 50 for senior citizens (60 years old and above).”

Mananatiling bukas ang Christmas Village hanggang January 8 sa susunod na taon.