Yassi Pressman
“NALAMAN ko na hindi pala ako ganu’n ka-strong!” Ito ang inamin ni Yassi Pressman noong maapektuhan ang kanyang mental health dahil sa pagpanaw ng pinakamamahal na ama.
Ayon sa actress-dancer at TV host, grabe ang naging epekto sa buhay at sa buong pagkatao niya ng pagkamatay ng kanyang tatay noong 2020.
“I always thought that I was a strong woman before. That was the moment talaga na na-rattle ako na hindi pala ako ganu’n ka-strong,” ang pahayag ng dalaga sa panayam ng news anchor na si Karen Davila na mapapanood sa kanyang YouTube channel.
Feeling lost daw talaga siya nang mawala ang ama, “Hindi ko pala kaya, kasi I guess you always have to tell yourself keep going, keep pushing and I was pushing for him, my rock, my best friend.
“Pero nu’ng nawala siya parang I didn’t know who I was, how I would move forward, kung paano ko matutuloy ‘yung ginagawa ko before for the family kasi he was my purpose,” lahad pa ni Yassi.
At dahil matindi nga ang naging epekto ng pagkawala ng ama, naapektuhan din nito ang kanyang physical health.
“It got to the point where I was feeling I was having a stroke na because of the stress and tension from within. It started in my stomach and then nagka-cramps po ‘yung legs ko.
“And then pati ‘yung thighs ko and then parang papunta na siya sa chest and fingers. Hindi ko magalaw fingers ko. Halos manigas talaga like my half face,” pagbabahagi pa ng dalaga sa nangyari sa kanya.
Kasunod nito, talagang gumawa na siya ng paraan para matulungan ang sarili sa iniindang mental health issues.
“I just had to know kung ano ‘yung nangyayari sa akin, not to panic more kasi the more you panic lalo pa ‘yung lumalala.
“Sometimes with mental health, the enemy, the struggle is yourself. Now po once I feel it is starting, I wake up my legs, you start getting the blood flowing.
“That’s why it is all connected, the physical health and the mental health. And I would start walking and breathing deeply para maregulate po ‘yung katawan din kasi it is connected also with my mind,” dagdag pa niyang paliwanag
Paglalarawan pa niya sa yumaong ama, “My dad was the one who was really there the whole time kaya po ‘yung parang losing him was kind of hard.
“Nandu’n po kasi siya ever since even in our like roughest times. Never kong naramdaman na may kulang po kahit anong mangyari,” sey pa ni Yassi.
Samantala, nagbahagi rin ang aktres tungkol sa pagtatayo niya ng Mind You, na isang mental health service company na nagbibigay ng murang mental health consultations online.
“For me honestly it was in the middle of the pandemic. It was something so new. Di ko nga alam kung babalik (ang investment) pero it was a risk that I wanted to take for the mission.
“Kung meron pong kahit konti lang na magawa ‘yung perang naipon ko po, na maibalik ko naman sa ibang tao, that already means so much to me because I am so blessed and I am so lucky na bakit ako ‘yung binigyan ng ganitong pagkakataon to work and provide?
“And now that my father is gone and the triggered my mental health journey even further. If there was someone who helped me and that was actually also one of our coaches here.
“And if I could provide this to someone else, save them, or let them go through the week or the month, then it’s worth it lahat ng pinaghirapan ko.
“I was really not thinking of the balik, it was the impact of I guess on the Filipinos we help,” mahabang paliwanag pa ni Yassi Pressman.
Yassi Pressman ibinandera ang relasyon kay Jon Semira: So happy with where life has brought us
Yassi ipinatatayo na ang dream house; Dimples ibinandera ang kaseksihan
Nadine, Liza, Yassi nagtayo ng sariling kumpanya: It’s a platform for mental health