Fans todo reklamo sa presyo ng tickets sa reunion concert ng Eraserheads

Pero wait lang mga ka-bandera, tila inuulan naman ngayon ng reklamo ang social media dahil sa kamahalan daw ng presyo ng tickets.

Noong Lunes, inanunsyo ng event organizer ang ticket prices na ang pinakamura ay pumapatak sa P3,050, habang ang pinakamahal ay nagkakahalaga sa P17,260.

Biro tuloy ng isang fan, “’huling el bimbo’ you mean huling kain ko na pag bumili ako ng eraserheads concert ticket???”

Sey ng isa pang netizen, “imagine eheads playing ‘para sa masa’ pero yung ticket nila hindi pang-masa.”

Ang isa naman, mukang hindi pa matutuloy sa concert.

“Enebeyen Eheads akala ko makakapanood na ako for the last time.”

Kung panay rant ang ibang fans, may ilan din na dinepensahan ang banda at sinabing “deserve” at “justifiable” naman ang ticket prices para sa kanilang reunion.

Sey ng isang fan, “Eheads ticket prices are just right. It’s a reunion concert by an iconic band with only 50,000 tickets to be sold to millions of fan.”

Saad naman ng isa, “Mediyo wrong din yung reaction sa EHeads reunion ticket prices na ‘International artists yarn???’”

“I think deserve din naman ng Filipino musicians maningil ng malaki. Lalo na if they earned it.

“Hindi ko lang talaga afford,” dagdag pa niya.

Sa December 22 na ang Ehead reunion concert.

Pinamagatan itong “Huling El Bimbo” na magaganap sa SMDC Festival Grounds sa Parañaque City.