Jodi, Zaijian, ‘Broken Marriage Vow’ makikipagbakbakan sa 2022 Asian Academy Creative Awards
Zaijian Jaranilla at Jodi Sta. Maria
NAKAKUHA ng anim na “national win” ang hit Kapamilya drama series na “The Broken Marriage Vow” para sa 2022 Asian Academy Creative Awards.
Ang nasabing teleserye na pinagbidahan nina Jodi Sta. Maria, Sue Ramirez at Zanjoe Marudo ang magiging offici representative ng Pilipinas sa gaganaping Grand Awards sa darating na December.
Si Jodi ang lalaban sa Best Actress in a Leading Role category habang si Zaijian Jaranilla naman ang nakakuha ng nominasyon para sa Best Actor in a Supporting Role.
View this post on Instagram
Ang “The Broken Marriage Vow” naman ang magiging bet ng bansa para sa kategoryang Best Adaptation of an Existing Format. Bukod pa diyan ang nominasyon para sa Best Editing at Best Promo/Trailer category.
Ang kanta naman ng Kapamilya Birit Queen na si Morissette Amon ang napiling Best Theme Song para lumaban sa 2022 Asian Academy Creative Awards.
Inaasahan ang pagdalo nina Jodi at iba pang taong involved sa produksyon ng “The Broken Marriage Vow” sa Grand Awards na magaganap sa December 7 and 8 sa Singapore.
Sa kanyang Twitter account, inamin ni Jodi na super shookt siya nang malaman ang good news, “You are able to do exceedingly abundantly above all that I can ask or think. I believe I haven’t scratched the surface of the vision, purpose and plan You have for me.
“I have only tasted a small portion and seen a tiny glimpse of the life You want to give me. I am speechless and amazed,” mensahe ng aktres.
Kasalukuyang nasa Amerika si Jodi kasama si Coco Martin at iba pang cast members ng “FPJ’s Ang Probinsyano” para sa kanilang “Pasasalamat Tour”.
https://bandera.inquirer.net/315306/jodi-sa-pagtatapos-ng-broken-marriage-vow-sabi-ko-after-this-ayoko-na-feeling-ko-wala-na-eh-nasagad-talaga
https://bandera.inquirer.net/294536/vice-sylvia-jm-nonie-lalaban-sa-2021-asian-academy-creative-awards
https://bandera.inquirer.net/315410/payo-ni-zanjoe-sa-lahat-ng-naloko-huwag-ka-nang-maghiganti-huwag-mo-nang-dalhin-yun-sa-susunod-na-chapter-ng-buhay-mo
https://bandera.inquirer.net/305184/jodi-na-broken-marriage-vow-din-sa-tunay-na-buhay-isa-yun-talaga-sa-pinaka-painful
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.