Coco Martin, Julia Montes nagbigay pugay, dumalaw kay Nora Aunor
DUMALAW ang celebrity couple na sina Coco Martin at Julia Montes sa burol ng National Artist at tinaguriang Philippine Superstar na si Nora Aunor.
Sa video na ibinandera ng ABS-CBN News, nagbigay pugay ang dalawa sa isa sa mga haligi at tinitingala sa Philippine entertainment industry.
Ibinahagi ni Coco kung gaano siya naapektuhan matapos malaman ang balitang pumanaw na si Ate Guy na nakatrabaho niya sa “Padre de Pamilya”.
“Kasi si Ate Guy hindi lang namin naka-trabaho bilang artista. Talagang naramdaman namin siya bilang nanay. Dahil nung nakasama namin siya sa Padre De Pamilya, mula noon kasi ’yung relationship nagdire-diretso,” saad ng actor-director.
Baka Bet Mo: Bardagulang Coco Martin at Jake Cuenca sa Batang Quiapo pasabog!
Visualizza questo post su Instagram
Dagdag pa niya, “Naging magkaibigan kami, constant ’yung communication. Kaya kahapon nung nalaman namin nagulat talaga kami. Sobra kaming nagpapasalamat sa kanya sa iniambag niya sa industriya natin.”
Tulad ni Coco, nagpahayag rin si Julia ng kanyang mensahe para sa yumaong aktres.
“Siguro bukod kasi sa talent ni Ate Guy, ang Superstar natin, ’yung lesson na ibinigay niya sa amin, ’yung mga kuwentong ishinare niya everytime na nakikipag-usap siya sa amin ay mababaon namin.
“Siguro kung gaano kami kalungkot, ganoon din kalungkot ang mga fans. Pagdasal lang natin kasi nasa langit na siya kasama ng Panginoon natin,” sey ni Julia.
Gaya nina Coco at Julia, marami pang mga celebrities ang nagbigay pugay sa nag-iisang Superstar ng Pilipinas.
Pumanaw si Nora Aunor o tinatawag ng mga kasamahan na si Ate Guy noong Miyerkules, April 16, sa edad na 71.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.